Tuneli i Elbasanit do perdoret i njejti tender si per Kalimashin

Anglishtja do te jete gjuha qe do te perdoret per dokumentet e tenderit dhe kontraten me kompanine fituese per ndertimin e tunelit ne autostraden Tirane-Elbasan. Kjo praktike tashme nuk eshte e panjohur sepse e njejta u ndoq edhe disa vjet me pare per tenderin e tunelit Rreshen-Kalimash. Me nje vendim te fundit qeveria sanksionon se kontrata qe do te lidhet me kompanine fituese te tenderit duhet te permbushe standardet nderkombetare te ashtuquajtura tip FIDIC kontrate sipas standardeve te Federates Nderkombetare te Konsultimit te Inxhiniereve. E njejta praktike do te ndiqet edhe per proceduren e prokurimit per supervizionin e punimeve per ndertimin e tunelit Tirane-Elbasan. Hartimi i kontrates per te dyja procedurat eshte detyrim i autoritetit kontraktor ne kete rast Drejtoria e Pergjithshme e Rrugeve dhe Ministra e Puneve Publike se bashku me Avokaturen e Shtetit. Tashme njoftimi per hapjen e tenderit per ndertimin e tunelit Tirane-Elbasan eshte bere prej kohesh ne gjuhen angleze ne buletinet e Agjencise se Prokurimit Publik. Ne njoftimin e kesaj agjencie eshte percaktuar edhe fondi prej 15 miliarde lekesh ose 150 milione dollaresh si nje fond limit per ndertimin e tunelit. Data e zhvillimit te tenderit eshte caktuar me 17 janar te vitit te ardhshem. Perfundimi i punimeve per kete projekt eshte parashikuar te jete 18 muaj pas nenshkrimit te kontrates. Paralelisht me tenderin per ndertimin e tunelit eshte celur edhe tenderi per te gjetur nje kompani konsultimi e cila do te beje mbikeqyrjen e ndertimit te tunelit ne seksionin e rruges Tirane-Elbasan. Sherbimi i kerkuar nga Drejtoria e Pergjithshme e Rrugeve eshte vleresuar me nje fond limit prej 277 milione lekesh. Afati qe u eshte lene ne dispozicion kompanive te interesuara eshte data 14 janar dite ne te cilen do te zhvillohet edhe tenderi.