Tunizi, islamikët e moderuar shpallin fitoren

Partia islamike e moderuar në Tunizi, Ennahda, shpalli fitoren në zgjedhjet e para demokratike të vendit.

Rezultatet zyrtare pritet të shpallen gjatë së martës, por ato paraprake sugjerojnë se Ennahda do të fitojë shumicën e votave.

Rivali i saj kryesor, partia laike e qendrës së majtë PDP, pranoi humbjen në këtë proces. Vëzhguesit ndërkombëtarë vlerësuan zhvillimin e zgjedhjeve të së dielës si një proces të lirë dhe të ndershëm, që shënoi një pjesëmarrje rekord.

Ish-presidenti Ben Ali u rrëzua nga pushteti nëntë muaj më parë, pas protestave masive dhe pasi qeverisi vendin për 23 vjet me radhë.

Ndryshe nga fqinji lindor, Libia, tranzicioni i Tunizisë për kalimin e pushteti ka qenë në përgjithësi paqësor, me përjashtim të disa protestave.

Liderët e Ennahda-s premtuan se do të krijojnë një shtet multipartiak, demokraci laike dhe joislamik.