Turizmi shëndetësor në Elbasan, shqiptarët e Luginës dhe Tetovës preferojnë llixhat

Turizmi shëndetësor është njëra prej formave dhe potencialeve të shumta të turizmit.

Një aspekt i rëndësishëm janë qendrat e ujërave termale, të cilat janë prezente në Shqipëri duke ofruar akomodim dhe shërbime të tjera.

Në zonën e ujërave termale në Elbasan të shumtë janë vizitorët të cilët edhe pse nuk janë në sezonin kurativ i preferojnë këto qendra.

Këto burime janë të njohura dhe të përdorura që gjatë periudhës romake.

Analizat e ujërave të këtyre burimeve janë kryer në mënyrë të specializuar nga ana e inxhinierëve çekë, të cilët kanë evidentuar vlera të larta terapeutike.

Këtu trajtohen sëmundje të shumta të rrugëve të frymëmarrjes, sistemit nervor, të lëkurës, stomakut, etj.

Llixhat e Elbasanit kanë edhe vlera kozmetike.

Gazetar: Norel Zaimi

/RTSH/