Turqia dhe Siria në prag lufte, Ankaraja autorizon trupat ushtarake të sulmojnë

Shkak i këtij tensioni është bërë një sulm i ushtrisë së Assad në territorin e Turqisë, duke shkaktuar vdekjen e 5 shtetasve turq

Parlamenti i Turqisë i ka autorizuar trupat për të kaluar në Siri, nëse kërkohet nga qeveria me 320 vota ‘pro”. Sic informon rrjeti britanik BBC, vendimi pasoi një seancë të jashtëzakonshme në përgjigje të një kërkese të qeverisë për veprim ushtarak, pasi dy gra dhe tre fëmijë u vranë në një qytet kufitar nga bombardimet siriane.
Turqia ka qëlluar në objektivat brenda Sirisë, në hakmarrje për vrasjet e së mërkurës.
Përgjigja e Ankarasë vjen për herë të parë pas trazirave të 18-muajve atje.
Ligji i jep autoritetin e qeverisë për një vit për të dërguar trupa në Siri ose të kryejnë sulme ajrore kundër sirianëve.
Megjithatë, burime qeveritare kanë thënë se Turqia nuk po planifikon të deklarojë luftë Sirisë.
Kryeministri i Turqisë Rexhep Tajip Erdogan tha se prioritet ishte për të vepruar në bashkëpunim me organizmat ndërkombëtarë.
Këshilli i Sigurimit i OKB do të mblidhet më vonë, pas një kërkese turke për të marrë “veprime të nevojshme” për të ndaluar agresionin sirian.
Ndërkaq NATO ka mbajtur një takim urgjent për të mbështetur Turqinë, duke kërkuar “ndërprerjen e menjëhershme të këtyre akteve agresive kundër një vendi aleat”.
SHBA, Britania e Madhe, Gjermania, Franca dhe Bashkimi Evropian kanë dënua veprimet e Sirisë, ndërsa Rusia, e cila është aleate e Presidentit Bashar al-Asad i ka kërkuar Damaskut të njohë zyrtarisht se sulmi ishte “një aksident tragjik”, e cila nuk do të ndodhë përsëri.