Turqia, e vendosur për pastrimin e historisë

Pas ministrit të Arsimit të Turqisë dhe deklaratave të tij se duhen hequr disa paragrafë nga librat e historisë në Kosovë, ku, sipas ministrit Omer Dincer, fyejnë popullin turk, ka reaguar edhe ambasadorja e Turqisë në Kosovë, Songul Ozan.

Ajo ka thënë për RTK se projekti me Ministrinë e Arsimit të Kosovës, nuk përmban ndonjë qëllim të ndryshimit të historisë.

Me këtë marrëveshje synohet që gjeneratave të ardhshme tju sigurohet mësimi i historisë me një botëkuptim objektiv që nuk ngërthen elemente urrejtjeje dhe që është e pastruar nga paragjykimet., ka thënë ambasadorja, për TK transmeton IndekOnline.

Në vend të kësaj ajo përdor fjalën pastrim.

Në takim, janë vlerësuar edhe mundësitë e bashkëpunimit te cilat do të mund të përdoreshin ne periudhat e ardhshme për pastrimin e elementeve të cilat përmbajnë shprehje te gabuara dhe paragjykuese të paraqitura në disa libra të mësimit fillor në pjesët ku flitet për turqit dhe periudhën e Perandorisë Osmane, si dhe përmirësimin e disa hartave të cilat përmbajnë emërtime te papranueshme nga vendi ynë., ka thënë e dërguara e Turqisë në Kosovë.

Historianët kosovarë kanë thënë se librat nuk përmbajnë elemente fyese, dhe se askush nuk mund të mohojë faktin se Perandoria Osmane ka qenë pushtuese.