Turqia vlereson rolin strategjik te Shqiperise ne Ballkan
Ne diten e dyte te punimeve te Konferences se Sigurise ne Mynih, Kryeministri zhvilloi nje takim te perzemert me Ministrin e Jashtem te Republikes se Turqise, z. Ahmet Dovutoglu. Ministri Dovutoglu shprehu kenaqesine per kete takim dhe i konsideroi marredheniet e shkelqyera mes dy vendeve si strategjike. Pasi nenvizoi rolin strategjik te Shqiperise dhe shqiptareve ne Ballkan, ai theksoi se lidhjet historike dhe marredheniet vellazerore jane nje baze solide per marredheniet dypaleshe. Kryeministri Berisha shprehu mirenjohjen e thelle te tij e te popullit shqiptar per ndihmen e pakursyer qe Turqia i ka dhene dhe vazhdon t'i jape Shqiperise ne te gjitha fushat. Me tej, Kryeministri shprehu kenaqesine qe marredheniet ekonomike mes te dy vendeve, ne 5 vitet e fundit kane arritur nivelet shume te mira te marredhenieve politike. Ai theksoi se investimet dhe bizneset turke qe perfshijne cdo fushe te ekonomise, perfshire sistemin bankar, telekomunikacionin dhe metalurgjine, renditen nder me te medhate e me te suksesshmet ne Shqiperi. Me fokus te vecante per zhvillim me te madh, Kryeministri e vuri theksin tek bashkepunimi dhe investimet turke ne turizem, duke theksuar se Shqiperia mund te perfitoje nga eksperienca e shkelqyer turke ne kete sektor. Ministri i Jashtem, z. Dovutoglu u angazhua qe te terheqe vemendjen e strukturave perkatese dhe investitoreve turq ne kete drejtim. Ne takim u diskutua edhe per situaten dhe zhvillimet ne rajon. Vemendje e posacme iu kushtua perpjekjeve per njohje te metejshme te shtetit te Kosoves, si dhe rritjes dhe konsolidimit te saj ne arenen dhe institucionet nderkombetare. Kryeministri riafirmoi qendrimin e qeverise se Shqiperise per ruajtjen e kufijve aktuale, si interesi me i mire per paqe, stabilitet e prosperitet afatgjate ne rajon. Bashkebiseduesit ndane te njejtin qendrim se pozicioni serb ne lidhje me 3 komunat e veriut te Kosoves i kontribuon ruajtjes se tensionit, ne dem te paqes ne rajon. Gjithashtu u diskutua per domosdoshmerine e zgjidhjes se ceshtjes se emrit te Maqedonise, si nje element kyc per stabilitetin.