U përplas nga makina dje teksa kalonte rrugën, vdes në spital 9-vjeçari

Tiranë- Ka ndërruar jetë në Spitalin Ushtarak të Tiranës 9-vjeçari i aksidentuar ditën e djeshme.

Sipas burimeve nga spitali, fëmija i mitur me iniciale K.I nuk ka mundur t’i mbijetojë plagëve të marra pavarësisht ndërhyrjes së mjekëve për ta shpëtuar.

Aksidenti tragjik që i mori jetën të miturit ndodhi të shtunën në Baldushk, teksa fëmija ishte duke kaluar rrugën.

Ai u dërgua menjëherë në spital për të marrë ndihmën mjekësore por që aksidenti rezultoi fatal për jetën e fëmijës.

Policia e cila shkoi menjëherë në vendngjarje bëri të mundur arrestimin e autorit, drejtuesit të mjetit shtetasin Ymer Lleshi 39- vjeç.