"U tmerruam nga ngjarja, te mos lejohen te huajt"

Perleshja qe perfundoi me nje te vdekur dhe dy te plagosur ne konviktet e Universitetit "Fan Noli" ka tronditur pa mase studentet dhe per me teper vajzat, qe ndihen te pasigurta nga hyrjet e personave te panjohur ne kete territor. Arjola Lato, studente e vitit te dyte, dega Gjuhe-Letersi, rrefen ngjarjen e ndodhur rreth ores 02:00 te mengjesit. "Degjuam zhurma dhe une me dy shoqet e mia dolem ne dritaren e dhomes, qe bie perballe sheshit te qytetit studenti. Pame disa persona qe po ziheshin para konviktit tone dhe po qellonin njeri-tjetrin me grushte. Pas disa minutash, degjuam te bertitura dhe pame nje person te shtrire pertoke. U tmerruam kur morem vesh se nje djale i ri, kishte mbetur i vdekur nga goditjet me thika. Mesuam se shkak kishte qene xhelozia per nje vajze, por edhe konsumimi i pijeve alkoolike", rrefen studentja per "KJ". Ajo shprehet se kjo ngjarje i ka tronditur te gjithe, ndersa thote se cdo te marte ne lokalin e Qytetit Studenti, behen festa me muzike live, te cilat vazhdojne deri ne oret e para te mengjesit. "Ne keto festa, pervec studenteve vijne edhe te rinj te tjere, te cilet ne shume raste jane bere edhe protagoniste te sherreve. Duhet qe te mos lejohen ata qe s'jane studente", thote ajo.

Drejtori: Cdo te marte zhvillohet feste, me muzike live

Ne lidhje me ngjarjen e rende, drejtori i konvikteve, Asim Dishnica, ka sqaruar se lokali i Qytetit Studenti i eshte dhene me qira per nje afat njevjecar, nje subjekti privat nga qyteti i Korces. "Lokali qendron i hapur cdo dite deri ne oren 22:00 te mbremjes, ndersa diten e marte, organizohen mbremje me muzike live, te cilat zgjatin deri ne oret e para te mengjesit", thote ai. Edhe pse ka pranuar faktin, qe ne lokal hyjne edhe persona te tjere pervec studenteve, Dishnica shpjegon se ata pranohen nga vete studentet, te cilet jane organizatore te festave.