UEFA heton Gattuson

UEFA ka hapur hetime disiplinore ndaj kapitenit të Milanit Gennaro Gattuso, i cili të martën në mbrëmje i ra me kokë ndihmës trajnerit të Tottenhamit pas ndeshjes së vlefshme për Ligën e Kampionëve.

Federata Evropiane e Futbollit nuk saktësoi se me çfarë akuzash do të përballet italiani.

Gattuso ka kërkuar falje për përplasjen e tij me Joe Jordan, pas përfundimit të ndeshjes, të cilën anglezët e fituan 1:0.