Ukrainë, mbi 10 të vdekur nga shpërthimi në kazino

Kiev - Një shpërthim i ndodhur në një sallë lojërash shkaktoi vdekjen e të paktën 10 personave në qytetin e Dnipropetrovsk, në lindje të Ukrainës. Lajmi njoftohet sot nga agjencia “Interfax”, e cila i referohet Ministrisë së Situatave Emergjente.

"Të paktën nëntë persona u vranë në vendin e shpërthimit, dhe personi i dhjetë humbi jetën në spital nga plagët e rënda që kishte marrë", deklaroi agjencia "Interfax”.