Ulet papunesia, arriti nivelin prej 13.26% ne fund te vitit 2012
Niveli i papunesise ne rang vendi, ka njohur nje renie te re te tij, gjate fundvitit te kaluar. Kete e tregojne shifrat me te fundit te publikuara nga Instituti i Statistikave, sipas te cilave, papunesia ka rene ne nivelin prej 13.26% ne tremujorin e katert te vitit 2012. Ndersa ne tremujorin pararendes, gjithmone sipas INSTAT-it, niveli i saj ka qene ne kufijte e 13.32%. Nga ana tjeter, statistikat tregojne edhe eshte rritur punesimi. Konkretisht, numri zyrtar i te punesuarve ne tremujorin e katert te vitit te kaluar arriti ne 927 mije, afro pese mije me shume se ne tremujorin e trete. Sipas eksperteve te INSTAT-it, rritja e punesimit ka ardhur e gjitha nga sektori privat jobujqesor, ndersa punesimi ne sektorin publik ka rene me rreth 400 individe. Respektivisht, po t’u referohemi te dhenave per sektorin privat jobujqesor, rezulton se numri i te punesuarve eshte rritur me rreth 7% gjate gjithe vitit te kaluar 2012. Nderkohe, qe numri i te papuneve te regjistruar ka pesuar nje renie te lehte me rreth 100 individe dhe ne fund te tremujorit te fundit te vitit 2012, rezultoi te ishte 141.755 persona.