Ulqini: "20 milione USD, qytetaret borxhe ne dyqane"

Deputeti socialist Musa Ulqini tha dje se varferia ne vend po kap shifra alarmante. Duke bere pergjegjes qeverine per mungesen e strategjive, Ulqini tha se vetem shifra e borxhit te brendshem, qe qytetaret e Tiranes u kane shitesve dhe pronareve te njesive tregtare, eshte 20 milione dollare. "Nga burime te institucioneve nderkombetare, ne Shqiperi rreth 600 mije qytetare vleresohen si te varfer dhe mbi 100 mije njerez mezi sigurojne te ardhura sa per te mbajtur frymen gjalle", permendi Ulqini, duke ironizuar te ashtuquajturen "Skema e Kafshates" te premtuar nga kryeministri Berisha ne ndihme te te varferve. Deputeti socialist akuzoi direkt Kryeministrin se, jo vetem nuk zvogeloi varferine ashtu si premtoi, por e shtoi ate. "Dua t'i kujtoj gjithashtu Kryeministrit se ne Buxhetin e Shtetit per vitin 2008 eshte planifikuar qe, 103 mije familje do te perfitojne ndihme ekonomike, ne masen 2000 leke ne muaj, ose 5 here me pak se sa shpenzohet per ushqimin e cdo lope ne vendet e BE-se", vijoi Ulqini. Sipas tij, kjo situate nuk eshte gje tjeter vecse nje deshtim i qeverise "Berisha", ne luften kunder varferise. Socialisti vijoi akuzat se mijera pensioniste, te papune, gra te divorcuara e te ardhur, nuk i sigurojne dot nevojat e tyre te perditshme. Madje per Ulqinin emrat e qytetareve shtohen perdite ne listen e borxhlinjve, e kjo nuk eshte gje tjeter sipas tij vecse prove e trishtueshme e kesaj varferie.
Premtimi i Berishes
"Brenda kater viteve te ardhshme do te pergjysmohet niveli i varferise monetare, ndersa asnje shqiptar nuk do te jetoje me nen nivelin ekstrem te varferise ushqimore". Keshtu theksohet ne raportin e qeverise, pas marrjes se pushtetit nga PD, ne zgjedhjet parlamentare te 3 korrikut 2005. Madje Berisha mbahet mend te pazari me listat e debitoreve ne dore, te cilat premtoi se do zhduken pas fitores se PD.