BE: Reformat, rezultate konkrete

Fatjona Mejdini
Kryeministri Berisha u takua dje ne Bruksel me Sekretarin e Pergjithshem te Keshillit te BE-se, Javier Solanen. Gjate takimit me kreun e qeverise, Solana theksoi se ne vend partite politike duhet t'u jepnin prioritet kryesor reformes ne drejtesi dhe asaj elektorale. Duke vleresuar bashkepunimin mes forcave politike per reformat qe kerkohen per integrim, zyrtari i larte i BE theksoi ne kete proces nuk duheshin lene menjane edhe rezultat konkrete te ketij bashkepunimi. "Vleresoj frymen e bashkepunimit mes forcave politike ne Shqiperi dhe mireprita rezoluten e fundit te miratuar nga parlamenti shqiptar per implementimin e reformave. Eshte i rendesishem vullneti per nje dialog politik, konstruktiv dhe bashkepunues me qellim thellimin e progresit te brendshem ne vend permes rezultateve konkrete", deklaroi Solana gjate takimit ne Bruksel me Berishen. Nga ana tjeter Solana vleresoi ecurine e zhvillimeve ekonomike dhe politike ne Shqiperi dhe u beri thirrje paleve te vazhdonin punen me keto ritme.
Kryeministri Berisha e njohu Sekretarin e Pergjithshem te Keshillit te BE-se me arritjet dhe progresin e Shqiperise ne reforma, duke vecuar keto ato ekonomike. Kreu i ekzekutivit shqiptar tha se pergjate vitit te kaluar Shqiperia kishte shenuar nje rritje ekonomike vjetore prej 6% dhe tashme ajo renditej ne vendin me barre fiskale me te ulet ne Evrope. Ne kete kuader Berisha i prezantoi Solanes edhe masat e marra nga qeveria shqiptare per krijimin e nje klime te pershtatshme per investuesit e huaj. Sipas Kryeministrit, sistemi fiskal ne vend, si dhe lufta e pakthyeshme kunder korrupsionit, krimit te organizuar, informalitetit, kane bere qe nje numer i madh kompanish te rendesishme te investojne, ose te projektojne investimet e tyre ne Shqiperi. Berisha garantoi se tashme ekziston nje klime pozitive bashkepunimi, ndermjet forcave politike ne vend, si dhe nje fryme e gjere konsensusi ndermjet pozites dhe opozites, per realizimin e reformave te domosdoshme per integrimin ne NATO dhe BE.
Solana
Sekretari i Pergjithshem te Keshillit te BE-se, Javier Solana kerkoi dje nga politika shqiptare rezultate konkrete, ne lidhje me reformen ne drejtesi dhe ate elektorale. Duke vleresuar bashkepunimin mes opozites dhe mazhorances ,ne lidhje me reformat e rendesishme qe kerkohen ne vend, ai theksoi se hapat mes paleve te behen te menduara, serioze dhe permes rezultateve konkrete.
Delegacioni
Per here te pare gjate qeverisjes se mazhorances aktuale ne nje delegacionin qeveritar merrnin pjese edhe perfaqesues te opozites. Ne delegacionin qe u nis dy dite me pare drejt Brukselit, kryeministri Berisha shoqerohej nga nenkryetari socialit i Kuvendit, Ylli Bufi dhe nga kreu i LSI-se, Ilir Meta. Formatimi i delegacionit shqiptar ngjalli edhe reagimet pozitive te perfaqesuesve te NATO-s dhe KE-se.
Reformat
Prej kohesh faktori nderkombetar ka kerkuar kryerjen e reformes ne drejtesi dhe asaj elektorale ne vend. Keto dy reforma jane vendosur edhe si kusht per Shqiperine, per marrjen e fteses se anetaresimit ne NATO, ne samitin e Bukureshtit, qe do te mbahet ne prill. Tashme palet politike ne vend kane nisur reformen ne sistemin e drejtesise, por ende s'kane arritur ndonje progres me reformen zgjedhore.