Universiteti i Tiranes 4600 studente pa pasaporte

Universiteti i Tiranes ka evidentuar se jane 4600 studente qe nuk kane pasaporta dhe do te pajisen me karta identiteti. Sipas burimeve nga Universiteti i Tiranes, studentet do te aplikojne ne sekretarite e fakulteteve per te marre kuponet dhe me pas do te behet pajisja e tyre me kartat e identitetit. Vetem dy dite me pare kreu i rektoratit te UT-se deklaroi se studentet pa pasaporte duhet te pajisen me karta identiteti deri ne daten nje maj, por per ata qe nuk aplikojne ne kohe, nuk duhet te merren masa penalizuese. Eshte e drejta e vete universiteteve, e senateve te tyre, te vendosin nese, studentet qe nuk kane aplikuar do te futen ne provime apo jo. Kjo ka qene deklarata e Rektorit te Universitetit te Tiranes, Dhori Kule. " Kam ngarkuar kancelarin e universitetit te Tiranes, i cili do ti bleje te gjitha kuponet me buxhetin qe ka universiteti i Tiranes. Gjate javes tjeter do tu shperndahen te gjithe studenteve, pra, nga pikepamja teknike i kemi marr masat. Kete vendim do ta marrim ne senat, une nuk jam i mendimit qe me studentet do te gjejme rrugen e penalizmit" nenvizoi Kule. Vetem nje dite me pare, kreu i Arsimit Fatos Beja, deklaroi se studentet pa pasaporte duhet te aplikojne deri ne daten nje maj per leternjoftimet elektronike, me nje cmim prej 200 lekesh.