Urdhri i Farmacistit: Ilacet ne Shqiperi jane shtrenjtuar
Urdhri i Farmacistit ka ngritur nje sere shqetesimesh, qe kane te bejne me ilacet duke nisur nga rritja e cmimit te tyre pergjate vitit te fundit, shitja antibiotikeve pa recete dhe pa keshillen e mjekut, si dhe farmacite pa drejtues teknike dhe pa licence. Sipas presidentit te Urdhrit te Farmacistit, Arjan Jaupllari shqiptaret paguajne barnat e konsumit me cmime me te kripura se banoret e vendeve te rajonit. Ai thekson se disa ilace, qe konsumohen me shpesh jane rritur nga 50 deri 100 perqind. "Barnat te cilat nuk jane ne listen e rimbursimit jane rritur me 50-100 perqind. Une mund te them vetem per adelatin, qe ka qene 2 leke dhe eshte bere 5 leke. Dhjete kokrra adelat bejne 500 leke te vjetra, nje rritje maksimale, apo dhe barna te tjera te cilat jane alternativa te vetme. Disa rajone rreth nesh qe i kane cmimet e te njejtave barna si ketu, i kane me cmime shume me te uleta se sa tek ne", tha Arjan Jaupllari, Presidenti i Urdhrit te Farmacistit Jaupllari, thote se jo vetem barnat e tregut te lire farmaceutik, por dhe ato me ribursim jane rritur. Shqetesuese thote ai eshte dhe rritja e cmimit te medikamenteve, qe prodhohen ne vendin tone. Gati 20 perqind e ilaceve, qe tregtohen ne vendin tone, jane prodhim vendas dhe cmimi i tyre ne krahasim me ato te importit eshte po ai. Nga ana tjeter, pacientet duket se jane te rrezikuar pasi ne farmaci tashme mund te punoje kushdo, madje shume prej tyre jane edhe te palicensuara duke bere qe ne to, te mos ushtrohet asnje lloj kontrolli mbi ate cka shesin. Kreu i farmacisteve, Arjan Jaupllari deklaroi se nga kontrollet, u vune re 40 raste te renda te shkeljes se legjislacionit qe nga mospajisja me license e subjekteve e deri te ushtrimi i profesionit te farmacistit nga persona pa diplomen perkatese. "U konstatuan disa farmaci te palicensuara, ne te cilat sherbenin persona pa arsimin e duhur. Ne disa subjekte farmaceutike u gjenden duke sherbyer persona te diplomuar per farmaci, por qe nuk u jane nenshtruar provimit te shtetit. Ne disa subjekte farmaceutike sherbenin studente. Ne disa farmaci u gjenden ndihmes farmaciste, qe sherbenin pa pranine e drejtuesit teknik ose farmacistit. Po keshtu kemi hasur edhe raste kur mjeke te papergjegjshem te punesuar ne qendrat shendetesore tregtojne barna" ka pohuar gjate fjales se tij Jaupllari. Sipas kreut te Urdhrit te Farmacisteve, te gjitha keto shkelje vene ne rrezik jeten e pacienteve qe gjenden perballe kesaj situate. Duke pare keto probleme, Urdhri i Farmacisteve i ka derguar shkrese zyrtare strukturave pergjegjese mbi rezultatet e kontrolleve te kryera ne farmaci, por ai kerkon qe sanksionet per shkelesit e ligjit te jene me te rrepta.