"Urgjent masa ndaj korrupsionit ne drejtesi e polici"

Bashkimi Evropian rrit tonet per Shqiperine, qe te luftoje me ashper korrupsionin ne vend. Ne diten nderkombetare kunder korrupsionit, Ambasadorja Britanike, Fiona Mcilham, tha se lufta kunder korrupsionit eshte urgjente. "Lufta kunder korrupsionit, eshte e rendesishme, jo vetem per te ardhmen e integrimit Evropian te Shqiperise, por per vete popullin shqiptar. Korrupsioni ka nje kosto shume te larte dhe njerezore", u shpreh Mcilham. Sipas ambasadores britanike ne vendin tone, ne progres-raportin per vitin 2009 te Komisionit Evropian per Shqiperine, flitet per nje "kulture mosndeshkimi", ne jeten publike dhe nevojen per te krijuar nje praktike bindese denimesh te rasteve te korrupsionit. "Qeveria britanike vazhdon te mbeshtese autoritetet shqiptare dhe shoqerine civile ne kete lufte, si nje prioritet. Mbreteria e Bashkuar, e shikon luftimin e korrupsionit brenda institucioneve te zbatimit te ligjit, duke perfshire policine dhe drejtesine, si vecanerisht urgjente", u shpreh ambasadorja britanike. Ne kete kuader, ajo vleresoi tryezen e zhvilluar dje nga Inspektorati i Larte i Deklarimit te Pasurive, ne lidhje me luften kunder korrupsionit, duke e vleresuar si nje shembull te rendesishem te perqasjes se perbashket qe do te nevojitet per te trajtuar kete problem. Diplomatja britanike, permendi edhe faktin se dy dite me pare, Ministrat e Jashtem te vendeve evropiane, nenvizuan urgjencen e perballimit te kesaj sfide per Shqiperine, pra te luftes se ashper kunder korrupsionit ne vend. Ne menyre te vecante ne rrugen e Shqiperise drejt integrimit evropian dhe liberalizimit te vizave.