Ushqimet e skaduara mbushin tregjet shqiptare Luljeta Ndoka

Cdonjeri prej nesh eshte i rrezikuar prej produkteve ushqimore. Jo vetem sepse ato shiten ne kushte jo te pershtatshme, shpesh prane mallrave industriale, porse ato jane te ekspozuar ndaj brejtesve dhe ne shume raste, produktet ushqimore jane te skaduara. Madje, nga kontrollet e Autoritetit Kombetar te Ushqimit (AKU) ka rezultuar se ne shume raste kane evidentuar probleme me kushtet frigoriferike te ruajtjes se ushqimeve. Ky i fundit, behet problem akoma me i madh po te kemi parasysh rritjen e temperaturave te ketyre diteve dhe pritshmeria e rritjes se tyre, me ardhjen e stines se nxehte. Ekspertet e AKU, kane verejtur nje sere problematikash, gjate kontrollit te 113 subjekteve tregtues te ushqimeve. Ne shume raste, eshte konstatuar mungese e pjesshme e dokumentacionit shoqerues te produkteve ushqimore (flete analiza, certifikata origjine), ushqimet nuk permbanin etiketa ne gjuhen shqipe, shume produkteve ushqimore u kishte kaluar afati i perdorimit. Nga ana tjeter, eshte vene re dukuria e mosruajtjes se ambalazhit primar te produkteve ushqimore, qe tregtohen te hapura. Inspektoret e Autoritetit Kombetar te Ushqimit kane verejtur nje mungese te theksuar te monitorimit te temperaturave ne pajisjet frigoriferike, mangesi ne sistemimin e produkteve ushqimore ne magazine si dhe ndarjen e tyre nga produktet industriale, si dhe mungesen e nje plani masash per mbrojtjen nga brejtesit dhe insektet. Te gjitha keto mangesi dhe probleme bejne qe konsumatori te ndihet gjithnje e me i pasigurt per ushqimet qe konsumon. Te gjitha keto konstatime jane bere pas verifikimeve dhe kontrolleve qe ka bere AKU, duke marre shkas nga ankesat e konsumatorit shqiptar, por edhe duke u bazuar ne Planin Vjetor te Inspektimeve. Keshtu, kontrollet jane bere kryesisht ne supermarketet dhe marketet ushqimore ne te gjithe vendin. Ato jane zhvilluar me se shumti ne operatoret e mesiperm te biznesit ushqimor, supermarkete dhe markete ushqimore, pasi keto te fundit jane me te frekuentuara nga ana e konsumatorit shqiptar. Gjate ketyre kontrolleve jane bllokuar dhe asgjesuar rreth 400 kg produkte ushqimore, te cileve iu kishte kaluar afati i perdorimit, si dhe ishin te paetiketuara ne gjuhen shqipe, si dhe jane marre masa administrative me gjobe per 2 prej operatoreve te biznesit ushqimor, te cilet nuk kishin respektuar afatet per zbatimin e detyrave te lena (ne lidhje me etiketimin e produkteve te importit) si rezultat i inspektimeve te meparshme. "Ajo qe ne kemi konstatuar me kenaqesi eshte se puna konstante e AKU, ka bere qe operatori i biznesit ushqimor te jete me i ndergjegjshem per plotesimin e kushteve dhe kritereve te percaktuara ne aktet ligjore dhe nenligjore ne fuqi ne fushen e sigurise ushqimore, te nevojshme per ushtrimin e aktivitetit te tyre. Kjo nuk do te thote se kemi arritur perfeksionin, por qe puna jone do te vazhdoje edhe gjate muajve ne vazhdim me te njejtin intensitet, per nje permiresim te metejshem te punes tone", - jane shprehur eksperte te AKU. Megjithate, ata kane kerkuar qe ne te gjitha rastet, konsumatori shqiptar te jape ndihmesen e tij duke denoncuar raste abuzimi. "Duam t'u bejme thirrje qytetareve qe te jene te ndergjegjshem per produktet qe blejne dhe konsumojne si dhe te bashkepunojne me AKU per cdo problem apo rast, i cili ka te beje sigurine ushqimore", - apelon AKU.

Problemet me produktet ushqimore:

Mungese e dokumentacionit, si: Flete-analiza, certifikata origjine

Produkte ushqimore pa etiketimin ne gjuhen shqipe

Produkte ushqimore, te cilave u ka kaluar afati i perdorimit

Mosruajtja e ambalazhit primar te produkteve ushqimore qe tregtohen te hapura

Mungese e monitorimit te temperaturave ne pajisjet frigoriferike

Mangesi ne sistemimin e produkteve ushqimore ne magazine si dhe ndarjen e tyre nga produktet industriale

Mungesa e nje plani masash per mbrojtjen nga brejtesit dhe insektet