V E N D I M PËR SHTYPJEN DHE SHPËRNDARJEN E DOKUMENTACIONIT TATIMOR

V E N D I  M 

PëR 

SHTYPJEN DHE SHPëRNDARJEN E  DOKUMENTACIONIT TATIMOR
 
Në mbështetje të nenit 100 të Kushtetutes dhe të pikës 2, të nenit 52, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave,  Këshilli i Ministrave
 
V E N D O S I :
 
1.     Shtypja e dokumentacionit tatimor realizohet nga “Shtypshkronja e Letrave me Vlerë”, sha, me kapital tërësisht shtetëror, në varësi të Ministrisë së Financave.
 
2.     Shpërndarja e dokumentacionit tatimor bëhet nga administrata tatimore qendrore.
 
3.     Prodhimi i dokumentacionit tatimor do të bëhet me porosi të drejtorit të Përgjithshëm të Tatimeve.
 
4.     Dokumentacion tatimor, në kuptim të këtij vendimi, do të vlerësohen faturat tatimore me TVSH, faturat e thjeshta tatimore, dëftesat tatimore, faturat e shoqërimit dhe çdo dokument tjetër tatimor, miratuar, përkatësisht, nga ministri i Financave apo drejtori i Përgjithshëm i Tatimeve për dokumentimin e veprimtarisë tregtare të tatimpaguesit.
 
5.     “Shtypshkronja e Letrave me Vlerë”, sha, duhet të garantojë prodhimin e dokumentacionit të kërkuar në kushtet, sasinë dhe cilësinë e kërkuar nga porositësi.
 
6.     Formati, informacioni apo standardet e sigurisë së çdo dokumenti tatimor, që do të prodhohet, të miratohen, përkatësisht, nga ministri i Financave apo drejtori i Përgjithshëm i Tatimeve.
 
7.     Procedurat, afatet dhe çështjet e tjera, që lidhen me prodhimin e dokumentacionit tatimor, në zbatim  të këtij vendimi, rregullohen me udhëzim të ministrit të Financave.
 
Ky vendim hyn në fuqi pas botimit në  “Fletoren zyrtare”.
 
 
K R Y E M I N I S T R I
 
SALI  BERISHA25/11/2009