V E N D I M PËR DISA NDRYSHIME NË VENDIMIN NR.624, DATË 21.12.1999, TË KËSHILLIT TË MINISTRAVE, “PËR PËRBALLIMIN E SHPENZIMEVE TË PALËS SHQIPTARE, PJESËMARRËSE NË FORCËN SHUMËKOMBËSHE TË EVROPËS JUGLINDORE, DHE TË DREJTAT E USHTARAKËVE AKTIVË, PJESË

V E N D I M 

PËR 

DISA NDRYSHIME NË VENDIMIN NR.624, DATË 21.12.1999, TË KËSHILLIT TË MINISTRAVE, “PËR PËRBALLIMIN E SHPENZIMEVE TË PALËS SHQIPTARE, PJESËMARRËSE NË FORCËN  SHUMËKOMBËSHE TË EVROPËS JUGLINDORE, DHE TË DREJTAT E USHTARAKËVE AKTIVË, PJESËMARRËS NË KËTË FORCË”, TË NDRYSHUAR

Në mbështetje të nenit 100 të Kushtetutës dhe të ligjit nr.8544,  datë 4.11.1999, “Për ratifikimin e marrëveshjes dhe të protokollit shtesë për krijimin e forcës shumëkombëshe të Evropës Juglindore”, me propozimin e ministrit të Mbrojtjes, Këshilli i Ministrave

V E N D O S I:

Në vendimin nr.624, datë 21.12.1999, të Këshillit të Ministrave, të ndryshuar, të bëhen këto ndryshime:

a)             Në titullin e vendimit fjalët “... dhe të drejtat e ushtarakëve aktivë, pjesëmarrës në këtë forcë”, shfuqizohen.

b)             Kreu II, “TË DREJTAT E USHTARAKËVE”, shfuqizohet.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI BERISHA