V E N D I M PËR DISA NDRYSHIME NË VENDIMIN NR.663, DATË 18.1.2007, TË KËSHILLIT TË MINISTRAVE, « PËR RISHPËRNDARJEN E FONDIT TË KONTIGJENCËS, TË PARASHIKUAR NË BUXHETIN E SHTETIT, TË VITIT 2007 »
V E N D I M
PËR
DISA NDRYSHIME NË VENDIMIN NR.663, DATË 18.1.2007, TË KËSHILLIT TË MINISTRAVE, « PËR RISHPËRNDARJEN E FONDIT TË KONTIGJENCËS, TË PARASHIKUAR NË BUXHETIN E SHTETIT, TË VITIT 2007 »
Në mbështetje të nenit 100 të Kushtetutës dhe të nenit 12, të ligjit nr.9645, datë 27.11.2006, «Për buxhetin e shtetit, të vitit 2007 », me propozimin e ministrit të Financave, Këshilli i Ministrave
V E N D O S I :
1. Në pikën 1, të vendimit nr.663, datë 18.1.2007, të Këshillit të Ministrave, të bëhen këto ndryshime:
a) Shkronja « a » ndryshohet, si më poshtë vijon :
«a) Ministrisë së Brendshme, në buxhetin e miratuar për vitin 2007, t’i shtohet fondi prej 900 000 000 (nëntëqind milionë) lekësh, nga të cilat:
i) 100 000 000 (njëqind milionë) lekë, në programin « Policia e Shtetit », zëri « Investime për blerje automjetesh »;
ii) 800 000 000 (tetëqind milionë) lekë, në programin « Prefekturat dhe funksionet e deleguara të pushtetit vendor », zëri « Investime për infrastrukturën vendore për objektet në proces ». ».
b) Shkronja « b » ndryshohet, si më poshtë vijon :
«b) Drejtorisë së Përgjithshme të Tatimeve, në buxhetin e miratuar për vitin 2007, t’i shtohet fondi 100 000 000 (njëqind milionë) lekë në programin « Planifikim, menaxhim dhe administrim », zëri « Investime ». »
2. Ngarkohen Ministria e Financave dhe Ministria e Brendshme për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA