V E N D I M PËR DISA SHTESA NË VENDIMIN NR.965, DATË 30.9.2009, TË KËSHILLIT TË MINISTRAVE, “PËR MIRATIMIN E VLERËS SË DËMEVE TË SHKAKTUARA NË OBJEKTE, PRONË PRIVATE, SI RRJEDHOJË E TËRMETIT, RËNË NË QARKUN E DIBRËS, DHE TË LISTAVE EMËRORE, ME VLERAT
V E N D I M
PëR
DISA SHTESA Në VENDIMIN NR.965, DATë 30.9.2009, Të KëSHILLIT Të MINISTRAVE, “PëR MIRATIMIN E VLERëS Së DëMEVE Të SHKAKTUARA Në OBJEKTE, PRONë PRIVATE, SI RRJEDHOJë E TëRMETIT, RëNë Në QARKUN E DIBRëS, DHE Të LISTAVE EMëRORE, ME VLERAT PëRFITUESE”
Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të nenit 13, të ligjit nr.10190, datë 26.11.2009, “Për buxhetin e vitit 2010”, dhe të shkronjës “dh”, të pikës 2, të nenit 5, të ligjit nr.8756, datë 26.3.2001, “Për emergjencat civile”, me propozimin e ministrit të Brendshëm, Këshilli i Ministrave
V E N D O S I :
1. Në vendimin nr.965, datë 30.9.2009, të Këshillit të Ministrave, bëhen këto shtesa:
a) Në fund të pikës 1 shtohet paragrafi, me këtë përmbajtje:
“Miratimin e vlerës shtesë të dëmeve të shkaktuara në objekte, pronë private, si rrjedhojë e rënies së tërmetit në qarkun e Dibrës, në shumën 16 202 636 (gjashtëmbëdhjetë milionë e dyqind e dy mijë e gjashtëqind e tridhjetë e gjashtë) lekë, sipas tabelës, që i bashkëlidhet këtij vendimi, si rezultat i procesit të vlerësimit dhe rivlerësimit.”.
b) Në fund të pikës 2, shtohet paragrafi, me këtë përmbajtje:
“Miratimin e listave shtesë, që i bashkëlidhen këtij vendimi, me emrat e individëve dhe shumën përkatëse të kompensimit, si rezultat i procesit të vlerësimit dhe rivlerësimit.”.
c) Në fund të pikës 3, shtohet paragrafi, me këtë përmbajtje:
“Fondi 16 202 636 (gjashtëmbëdhjetë milionë e dyqind e dy mijë e gjashtëqind e tridhjetë e gjashtë) lekë të përballohet nga fondi rezervë i buxhetit të shtetit.”.
2. Kryerja e pagesave për personat përfitues bëhet nga këshilli i qarkut të Dibrës.
3. Ngarkohen Ministria e Financave, Ministria e Brendshme dhe këshilli i qarkut të Dibrës për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA20/01/2010