V E N D I M PËR HAPJEN E PROGRAMEVE TË STUDIMIT, TË CIKLIT TË DYTË, NË UNIVERSITETIN E TIRANËS DHE PËR MIRATIMIN E KUOTAVE TË PRANIMIT E TË TARIFAVE TË SHKOLLIMIT NË KËTO PROGRAME STUDIMI

V E N D I M

PëR

HAPJEN E PROGRAMEVE Të STUDIMIT, Të CIKLIT Të DYTë, Në UNIVERSITETIN E TIRANëS DHE PëR MIRATIMIN E KUOTAVE Të PRANIMIT E Të TARIFAVE Të SHKOLLIMIT Në KëTO PROGRAME STUDIMI

Në mbështetje të nenit 100 të Kushtetutës dhe të neneve 26, 34, 42 e 75, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1. Hapjen në Fakultetin e Historisë e të Filologjisë, në Universitetin e Tiranës, të programeve të studimit, të ciklit të dytë, si më poshtë vijon:

a) “Studime letrare”, me profilet:

i. “Teori letërsie dhe kritikë letrare”, në përfundim të të cilit lëshohet “Diplomë e nivelit të dytë (DND)”, në “Studime letrare”, me profil “Teori letërsie dhe kritikë letrare”;
ii. “Letërsi e përgjithshme dhe letërsi e krahasuar”, në përfundim të të cilit lëshohet “Diplomë e nivelit të dytë (DND)”, në “Studime letrare”, me profil “Letërsi e përgjithshme dhe letërsi e krahasuar”;
iii. “Studime letrare shqiptare dhe antropologji kulturore”, në përfundim të të cilit lëshohet “Diplomë e nivelit të dytë (DND)”, në “Studime letrare”, me profil “Studime letrare shqiptare dhe antropologji kulturore”.

b) “Gjeografi”, në përfundim të të cilit lëshohet “Diplomë e nivelit të dytë (DND)”, në “Gjeografi”.

2.     Programet e studimit, të ciklit të dytë, realizohen me 120 kredite dhe kohëzgjatja normale e tyre është dy vite akademike.

3. Këto programe studimi, të ciklit të dytë, ta fillojnë veprimtarinë mësimore në vitin akademik 2009-2010.

4. Kuota e pranimit në këto programe studimi, të ciklit të dytë, me kohë të plotë, për vitin akademik 2009-2010, të jetë:

a) Në programin e studimit “Studime letrare”                           100;
b) Në programin e studimit “Gjeografi”                                      100.

5. Kuota e pranimit, për studentë, që i ndjekin këto programe si programe të dyta studimi, të jetë:

                   a) Në programin e studimit “Studime letrare”                                5;
b) Në programin e studimit “Gjeografi”                                          5.

6. Tarifa vjetore e shkollimit, për studentët, që do të regjistrohen në këto programe studimi, të ciklit të dytë, me kohë të plotë, në vitin akademik 2009-2010, të jetë:

a) Në programin e studimit “Studime letrare”                                           48 000 lekë;
b) Në programin e studimit “Gjeografi”                                                      48 000 lekë.

7. Tarifa vjetore e shkollimit, për studentët që i ndjekin këto programe studimi si programe të dyta studimi, të ciklit të dytë, me kohë të plotë, në vitin akademik 2009-2010, të jetë:

a) Në programin e studimit “Studime letrare”                                           130 000 lekë;
b) Në programin e studimit “Gjeografi”                                                      130 000 lekë.

8. Efektet financiare, që rrjedhin nga zbatimi i këtij vendimi, të përballohen nga buxheti i këtij viti, miratuar për Universitetin e Tiranës.

9. Ngarkohen Ministria e Arsimit dhe Shkencës dhe Universiteti i Tiranës për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I
SALI BERISHA
25/11/2009

Më shumë nga Zyrtare