V E N D I M Për HAPJEN E PROGRAMEVE TË STUDIMIT TË CIKLIT TË DYTË, NË UNIVERSITETIN “LUIGJ GURAKUQI”, SHKODËR, DHE PËR MIRATIMIN E KUOTAVE TË PRANIMIT E TË TARIFAVE TË SHKOLLIMIT NË KËTO PROGRAME STUDIMI

V E N D I M 

Për 

HAPJEN E PROGRAMEVE Të STUDIMIT Të CIKLIT Të DYTë, Në UNIVERSITETIN “LUIGJ GURAKUQI”, SHKODëR, DHE PëR MIRATIMIN E KUOTAVE Të PRANIMIT E Të TARIFAVE Të SHKOLLIMIT Në KëTO PROGRAME STUDIMI
 
Në mbështetje të nenit 100 të Kushtetutës dhe të neneve 26, 34, 42 e 75, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave
 
V E N D O S I :
 
1.       Hapjen, në universitetin “Luigj Gurakuqi”, Shkodër, të programeve të studimit, të ciklit të dytë, sipas fakulteteve:
 
a)     Në Fakultetin e Shkencave të Natyrës,  programin e studimit “Biologji mjedisore”, në përfundim të të cilit lëshohet “Diplomë e nivelit të dytë” , DND, në biologji mjedisore.
b)     Në Fakultetin e Drejtësisë,  programin e studimit “E drejta private dhe e biznesit”, në përfundim të të cilit lëshohet “Diplomë e nivelit të dytë”, DND, në e drejta private dhe e biznesit.
 
2.       Këto programe studimi të ciklit të dytë realizohen me 120 kredite dhe kohëzgjatja normale e tyre është dy vite.
 
3.       Programet e studimit “Biologji Mjedisore” dhe “E drejta private dhe e biznesit” ta fillojnë veprimtarinë mësimore në vitin akademik 2009-2010.
 
4.       Kuota e pranimeve në këto programe studimi të ciklit të dytë në universitetin “Luigj Gurakuqi”, Shkodër, për vitin akademik 2009-2010, të jetë, si më poshtë vijon:
 
a)     Biologji mjedisore                                                                         20 ;
b)     E drejta private dhe e biznesit                                                    30.
 
5. Kuota e pranimeve në këto programe studimi të ciklit të dytë në universitetin “Luigj Gurakuqi”, Shkodër, për studentët, që i ndjekin këto programe studimi, si programe të dyta studimi, për vitin akademik       2009-2010, të jetë, si më poshtë vijon:
         
       a) Biologji mjedisore                                                                                 5;
       b) E drejta private dhe e biznesit                                                             5.
 
6.  Tarifat vjetore të shkollimit për studentët, që do të regjistrohen në këto
      programe studimi, për vitin akademik 2009-2010, të jenë:
 
a)     Biologji mjedisore                                                    50 000 lekë ;
b)     E drejta private dhe e biznesit                                                50 000 lekë.
 
7.     Studenti i nënshtrohet vetëm një tarife vjetore shkollimi.
 
8.     Tarifa vjetore e shkollimit për studentët, që i ndjekin këto programe studimi, si programe të dyta studimi, të ciklit të dytë, me kohë të plotë, në vitin akademik 2009-2010, të jetë, si më poshtë vijon:
 
a)     Biologji mjedisore                                                                        200 000 lekë ;
b)     E drejta private dhe e biznesit                                      78 000 lekë.
 
9.   Efektet financiare, që rrjedhin nga zbatimi i këtij vendimi, të përballohen nga buxheti i miratuar për universitetin “Luigj Gurakuqi”, Shkodër.
 
10.    Ngarkohen Ministria e Arsimit dhe Shkencës dhe universiteti “Luigj Gurakuqi”, Shkodër, për zbatimin e këtij vendimi.
 
 
Ky vendim hyn në fuqi pas botimit në “Fletoren zyrtare”.
 
K R Y E M I N I S T R I
 
SALI BERISHA25/11/2009