V E N D I M PËR LICENCIMIN E SHKOLLËS SË LARTË PRIVATE “UNIVERSITETI PLANETAR I TIRANËS”

V E N D I M 

PËR 

LICENCIMIN E SHKOLLËS SË LARTË PRIVATE “UNIVERSITETI PLANETAR I TIRANËS”

Në mbështetje të nenit 100 të Kushtetutës dhe të neneve 4, pika 2, 43, 44  e 45,  të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.     Licencimin e shkollës së lartë private, “Universiteti planetar i Tiranës”, e cila do ta ushtrojë veprimtarinë në qytetin e Tiranës.

2.     Shkolla e lartë private “Universiteti planetar i Tiranës”, të organizohet në dy fakultete:

a)     Fakulteti i Edukimit dhe Shkencave Sociale, që do të ofrojë programet e studimit, të ciklit të parë, në:

i.      “Mësuesi për arsimin parashkollor”;

ii.     “Psikologji”;

iii.    “Sociologji”;

iv.    “Mësuesi për arsimin fillor”.

b)     Fakultetin e Shkencave të Zbatuara, që do të ofrojë programet e studimit, të ciklit të parë, në:

i.      “Teknologji informacioni”;

ii.     “Informatikë ekonomike”;

iii.    “Infermieri e përgjithshme”;

iv.    “Teknologji dhe shkenca farmaceutike”.

3.     Shkolla e lartë private “Universiteti planetar i Tiranës” të ofrojë programet e studimit të ciklit të parë, me kohëzgjatje 3 vite akademike dhe me plotësimin e, së paku, 180 krediteve. Në përfundim të këtyre programeve të studimit lëshohet diplomë e nivelit të parë (DNP), në:

i.      “Mësuesi për arsimin parashkollor”;

ii.     “Psikologji”;

iii.    “Sociologji”;

iv.    “Mësuesi për arsimin fillor”;

v.     “Teknologji informacioni”;

vi.    “Informatikë ekonomike”;

vii.   “Infermieri e përgjithshme”;

viii.“Teknologji dhe shkenca farmaceutike”.

4.     Ngarkohet shkolla e lartë private “Universiteti planetar  i Tiranës”, që, për çdo program studimi, të sigurojë, nëpërmjet marrëdhënieve kontraktuale, zhvillimin e disa prej disiplinave kryesore formuese të specialitetit,  pas vitit të parë, nga një personel akademik ³ huaj, me kualifikimin e nevojshëm.

5.     Shkolla e lartë private “Universiteti planetar i Tiranës” ta fillojë veprimtarinë mësimore për programet e studimit, të përcaktuara  në pikën 2, të këtij vendimi, pasi të ketë marrë, jo më vonë se tri javë para fillimit të vitit akademik, lejen përkatëse nga ministri ³ Arsimit dhe Shkencës.

Ministri e lëshon lejen, pasi vlerëson se institucioni privat ³ arsimit të lartë ka përmbushur angazhimet e deklaruara, në përputhje me udhëzimin e tij për këtë qëllim.

6.     Ndryshimet në vendndodhje, plane, forma studimi dhe programe, si dhe në elemente të tjera, të miratuara, bëhen pas miratimit nga Ministria e Arsimit dhe Shkencës.

7.     Shkolla e lartë private “Universiteti planetar i Tiranës” duhet t’³ nënshtrohet procesit të akreditimit institucional dhe të programeve të studimit, brenda afateve të përcaktuara në ligjin në fuqi.

8.     Ngarkohet Ministria e Arsimit dhe Shkencës për kontrollin periodik të ligjshmërisë në institucion dhe për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA