V E N D I M

PËR

MIRATIMIN E MARRËVESHJES MINERARE TË SHFRYTËZIMIT, NDËRMJET MINISTRISË SË EKONOMISË, TREGTISË DHE ENERGJETIKËS DHE SHOQËRISË “GENER 2”, SHPK,  DHE PROPOZIMIN E PROJEKTLIGJIT PËR MIRATIMIN E KËSAJ MARRËVESHJEJE

Në mbështetje të neneve 81, pika 1, dhe 100, të  Kushtetutës, dhe të neneve 69 e 72, të ligjit nr.7796, datë 17.2.1994, “Minerar i Shqipërisë”, të ndryshuar, me propozimin e ministrit të Ekonomisë, Tregtisë dhe Energjetikës, Këshilli i Ministrave

V E N D O S I :

1.             Miratimin e marrëveshjes minerare të shfrytëzimit, ndërmjet Ministrisë së Ekonomisë, Tregtisë dhe Energjetikës dhe shoqërisë “GENER 2”, shpk, sipas tekstit bashkëlidhur.

2.             Propozimin e projektligjit “Për miratimin e marrëveshjes minerare të shfrytëzimit, ndërmjet Ministrisë së Ekonomisë, Tregtisë dhe Energjetikës dhe shoqërisë “GENER 2”, shpk”, për shqyrtim e miratim në Kuvendin e Republikës së Shqipërisë, sipas tekstit dhe relacionit, që i bashkëlidhen këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA

P R O J E K T L I GJ

PËR

MIRATIMIN E MARRËVESHJES MINERARE TË SHFRYTËZIMIT, NDËRMJET MINISTRISË SË EKONOMISË, TREGTISË DHE ENERGJETIKËS DHE SHOQËRISË  “GENER 2”, SHPK

Në mbështetje të neneve 78, 81, dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I :

Neni 1

Miratimin e marrëveshjes minerare të shfrytëzimit, ndërmjet Ministrisë së Ekonomisë, Tregtisë dhe Energjetikës dhe shoqërisë “GENER 2”, shpk, sipas tekstit, që i  bashkëlidhet këtij ligji.

Neni 2

Sipërfaqes së tokës bujqësore, brenda koordinatave të përcaktuara në aneksin nr.1, të kësaj marrëveshjeje, t’i ndryshojë destinacioni nga tokë bujqësore në tokë për shfrytëzim minerar.

Neni 3

Ky ligj hyn në fuqi 15 ditë pas botimit në “Fletoren zyrtare”.

KRYETARI

JOZEFINA PALLI