V E N D I M PËR MIRATIMIN, NË PARIM, TË MARRËVESHJES SË BASHKËPUNIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË PËR ZHVILLIMIN E QËNDRUESHËM DHE REDUKTIMIN E EMETIMEVE TË GAZIT, ME EFEKT SERE
V E N D I M
PËR
MIRATIMIN, NË PARIM, TË MARRËVESHJES SË BASHKËPUNIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË PËR ZHVILLIMIN E QËNDRUESHËM DHE REDUKTIMIN E EMETIMEVE TË GAZIT, ME EFEKT SERE
Në mbështetje të nenit 100 të Kushtetutës dhe të neneve 5 e 7, të ligjit nr.8371, datë 9.7.1998, “Për lidhjen e traktateve e marrëveshjeve ndërkombëtare”, me propozimin e ministrit të Ekonomisë, Tregtisë dhe Energjetikës dhe të ministrit të Mjedisit, Pyjeve dhe Administrimit të Ujërave, Këshilli i Ministrave
V E N D O S I :
1. Miratimin, në parim, të marrëveshjes së bashkëpunimit, ndërmjet Këshillit të Ministrave të Republikës së Shqipërisë, përfaqësuar nga Ministria e Ekonomisë, Tregtisë dhe Energjetikës, dhe qeverisë së Republikës së Italisë, përfaqësuar nga Ministria e Mjedisit, Tokës dhe Detit, për zhvillimin e qëndrueshëm dhe reduktimin e emetimeve të gazit, me efekt sere, me një shumë grant prej 5 000 000 (pesë milionë) eurosh.
2. Ngarkohet Ministria e Ekonomisë, Tregtisë dhe Energjetikës për përballimin e detyrimeve financiare, që rrjedhin nga pagesat e TVSH-së dhe të taksave të tjera vendore, si dhe për programimin e fondit përkatës, në buxhetin e saj vjetor.
3. Ngarkohen Ministria e Ekonomisë, Tregtisë dhe Energjetikës dhe Ministria e Mjedisit, Pyjeve dhe Administrimit të Ujërave për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA