V E N D I M PËR RRITJEN E FONDEVE TË MBROJTJES SOCIALE

V E N D I M

PËR

RRITJEN E FONDEVE TË MBROJTJES SOCIALE

Në mbështetje të nenit 100 të Kushtetutës dhe të ligjit nr.9836, datë 26.11.2007, “Për buxhetin e shtetit, të vitit 2008”, të ndryshuar, me propozimin e ministrit të Punës, Çështjeve Sociale dhe Shanseve të Barabarta, Këshilli i Ministrave

V E N D O S I :

1. Rritjen e fondeve të ndihmës ekonomike, në programin “Mbrojtja Sociale”, të Ministrisë së Punës, Çështjeve Sociale dhe Shanseve të Barabarta, me një shumë prej 150 (njëqind e pesëdhjetë) milionë lekësh, për rritjen e masës së përfitimit të ndihmës ekonomike të familjeve në nevojë.

2. Efektet financiare, që rrjedhin nga zbatimi i këtij vendimi, të përballohen nga fondi i kontigjencës, miratuar  në buxhetin e shtetit, të vitit 2008.

3. Ngarkohen Ministria e Financave, Ministria e Punës, Çështjeve Sociale dhe Shanseve të Barabarta dhe njësitë e qeverisjes vendore për zbatimin e këtij vendimi.

Ky vendim hyn në fuqi pas botimit në “Fletoren zyrtare” dhe i shtrin efektet financiare nga data 1 korrik 2008.

K R Y E M I N I S T R I

SALI BERISHA