V E N D I M PËR SHPRONËSIMIN, PËR INTERES PUBLIK, TË PRONARIT TË PASURISË SË PALUAJTSHME, PRONË PRIVATE, QË PREKET NGA RIKONSTRUKSIONI I RRUGËS “QENDRA E RROGOZINËS-URA E LUSHNJËS”, NË BASHKINË E RROGOZHINËS

V E N D I M 

PËR 

SHPRONËSIMIN, PËR INTERES PUBLIK, TË PRONARIT TË PASURISË SË PALUAJTSHME, PRONË PRIVATE, QË PREKET NGA RIKONSTRUKSIONI I RRUGËS “QENDRA E RROGOZINËS-URA E LUSHNJËS”, NË BASHKINË E RROGOZHINËS

Në mbështetje të nenit 100 të Kushtetutës dhe të neneve  5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”,   me propozimin e ministrit të Brendshëm, Këshilli i Ministrave

V E N D O S I :

1. Shpronësimin, për interes publik, të pronarit të pasurisë së paluajtshme, pronë private, që preket nga rikonstruksioni i rrugës “Qendra e Rrogozhinës - Ura e Lushnjës”, në bashkinë e Rrogozhinës.

2.  Shpronësimi të bëhet në favor të bashkisë së Rrogozhinës.

3.  Pronari i pasurisë së paluajtshme, që shpronësohet, të kompensohet, në vlerë të plotë,  sipas masës, që paraqitet në tabelën, që i bashkëlidhet këtij vendimi dhe është pjesë përbërëse e tij, për sipërfaqen  250 (dyqind e pesëdhjetë) m2, truall, me një vlerë të përgjithshme shpronësimi        892 750 (tetëqind e nëntëdhjetë e dy mijë e shtatëqind e pesëdhjetë) lekë.

4.  Vlera e përgjithshme e shpronësimit të përballohet nga të ardhurat e bashkisë së Rrogozhinës, planifikuar në buxhetin e kësaj bashkie.

5.  Vlera  e shpenzimeve procedurale të përballohet po nga bashkia e  Rrogozhinës.

6.  Afati i përfundimit të procedurës së shpronësimit të jetë tre muaj pas datës së hyrjes në fuqi të këtij vendimi.

7.  Afati i përfundimit të punimeve për këtë objekt të jetë në përputhje me afatet e parashikuara nga bashkia e Rogozhinës. 

8.  Regjistrimi i ri i pasurisë, me sipërfaqe  250 (dyqind e pesëdhjetë) m2, truall, të bëhet brenda 30 ditëve nga data e hyrjes në fuqi të këtij vendimi.

9.  Ngarkohen Ministria e Brendshme dhe bashkia e Rrogozhinës për ndjekjen e zbatimit të këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI BERISHA