V E N D I M PËR SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA NDËRTIMI I SEGMENTIT RRUGOR LEVAN-TEPELENË

V E N D I M 

PËR 

SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA NDËRTIMI I SEGMENTIT RRUGOR LEVAN-TEPELENË

Në mbështetje të nenit 100 të Kushtetutës, të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, dhe të nenit 8, të        ligjit nr.9836, datë 26.11.2007, “Për buxhetin e shtetit, të vitit 2008”, t¸ ndryshuar, me propozimin e ministrit të Punëve Publike, Transportit dhe Telekomunikacionit, Këshilli i Ministrave                                  

V E N D O S I:

1.     Shpronësimin, për interes publik, të pronarëve të pasurive të paluajtshme, pronë private, (kultura bujqësore dhe drufrutorë), që preken nga ndërtimi i segmentit rrugor Levan-Tepelenë.

2.     Shpronësimi t¸ bëhet në favor të Drejtoris¸ s¸ P¸rgjithshme t¸ Rrug¸ve.

3.     Pronarët e pasurive të paluajtshme, që shpronësohen, të kompensohen në vlerë të plotë, sipas masës përkatëse, që paraqitet në tabel¸n, q¸ i bashk¸lidhet k¸tij vendimi, për kultura bujqësore 6 167 053 (gjashtë milionë e njëqind e gjashtëdhjetë e shtatë mijë e pesëdhjetë e tre) lekë dhe për drufrutorë 2 801 990 (dy milionë e tetëqind e një mijë e nëntëqind e nëntëdhjetë) lekë, me sipërfaqe të përgjithshme 293 072 (dyqind e nëntëdhjetë e tre mijë e shtatëdhjetë e dy) m2. Vlera e përgjithshme e  shpronësimit është 8 969 043 (tetë milionë e nëntëqind e gjashtëdhjetë e nëntë mijë e dyzet e tre) lekë.

4.     Vlera e shpenzimeve procedurale, në shumën 3 450 000 (tre milionë e katërqind e pesëdhjetë mijë) lekë, të përballohet nga Drejtoria e P¸rgjithshme e Rrug¸ve.

5.     Vlera e përgjithshme e shpronësimit,  8 969 043 (tetë milionë e nëntëqind e gjashtëdhjetë e nëntë mijë e dyzet e tre) lekë, të përballohet nga llogaria e veçantë e Ministrisë së Financave, në Bankën e Shqipërisë, “Fondi i shpronësimeve”.

6.     Shpronësimi të filloj¸ në qershor 2009 dhe t¸ përfundojë më  31.8.2009.

7.     Pronarët e përmendur në listën, që i bashkëlidhet këtij vendimi, për të cilët është bërë shënimi “Konfirmim nga ZRPP-ja”, do të kompensohen, për efekt shpronësimi, pasi të kenë paraqitur dokumentacionin e plotë të pronësisë, pranë Drejtorisë së P¸rgjithshme e Rrug¸ve. 

8.     Drejtoria e Përgjithshme e Rrugëve të bëjë likuidimin e pronarëve, sipas listës, që i bashkëlidhet këtij vendimi, në përputhje me dokumentacionin e pronësisë, që do t’i vihet në dispozicion nga pronarët.

9.     Ngarkohen Ministria e Punëve Publike, Transportit dhe Telekomunikacionit, Ministria e Financave dhe Drejtoria e P¸rgjithshme e Rrug¸ve për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI  BERISHA