VENDIM PER DHËNIE NDIHME FINANCIARE FAMILJEVE TË DËMTUARA NGA SHEMBJA E PALLATIT 5-KATËSH, NË BASHKINË E GJIROKASTRËS
V E N D I M
03/12/2008
PËR
DHËNIE NDIHME FINANCIARE FAMILJEVE TË DËMTUARA NGA SHEMBJA E PALLATIT 5-KATËSH, NË BASHKINË E GJIROKASTRËS
Në mbështetje të nenit 100 të Kushtetutës, të ligjit nr.8756,datë 26.3.2001, “Për emergjencat civile”, dhe të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, me propozimin e ministrit të Brendshëm, Këshilli i Ministrave
V E N D O S I :
Dhënien e një ndihme financiare familjeve, të cilave iu dëmtuan banesat nga shembja e pallatit, në lagjen “11 janari”, në bashkinë e Gjirokastrës, në vlerën 46 247 160 (dyzet e gjashtë milionë e dyqind e dyzet e shtatë mijë e njëqind e gjashtëdhjetë) lekë. Ky fond të përballohet nga fondi rezervë і Këshillit të Ministrave dhe të bëhet efektiv, nëpërmjet këshillit të qarkut të Gjirokastrës. Vlera e kompensimit financiar për anën ndërtimore, për dëmtimin e pajisjeve të çdo familjeje, si dhe për familjarët, që kanë banuar me qira, do të jetë sipas tabelës, që i bashkëlidhet këtij vendimi. Ngarkohen Ministria e Financave, Ministria e Brendshme dhe këshilli i qarkut të Gjirokastrës për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA
03/12/2008