VENDIM PER DISA SHTESA NË VENDIMIN NR.478, DATË 18.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE TË DISA INSTITUCIONEVE, NË VARËSI TË MINISTRAVE TË LINJËS”, TË NDRYSHUAR

PER  

DISA SHTESA NË VENDIMIN NR.478, DATË 18.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE TË DISA INSTITUCIONEVE, NË VARËSI TË MINISTRAVE TË LINJËS”, TË NDRYSHUAR

Në mbështetje të nenit 100 të Kushtetutës, të nenit 5/1, të ligjit nr.8487, datë 13.5.1999, “Për kompentencat për caktimin e pagave të punës”, të ndryshuar, dhe të ligjit nr.10025, datë 27.11.2008, “Për buxhetin e vitit 2009”, me propozimin e ministrit të Brendshëm dhe të ministrit të Financave, Këshilli i Ministrave

V E N D O S I :

1.     Në vendimin nr.478, datë 18.7.2007, të Këshillit të Ministrave, të ndryshuar, të bëhen shtesat e mëposhtme:

a)      Në fund të shkronjës “b”, të pikës 1, shtohet emërtesa “Shërbimi i Provës”.

b)     Në lidhjen nr.4, të përmendur në pikën 5, të bëhen shtesat, si më poshtë vijon:

“b/1. Në kategorinë III-b, pas emërtesës “Kryetar i zyrës së përmbarimit” shtohet “Drejtor i zyrës vendore të Shërbimit të Provës”;

b/2.  Në kategorinë IV-a, pas emërtesës “Përmbarues gjyqësor në zyrat e përmbarimit gjyqësor”, shtohet “Specialist në zyrën vendore të Shërbimit  të Provës”.

2.      Pagat e punonjësve të tjerë mbështetës të Shërbimit të Provës të përcaktohen sipas vendimit për pagat e punonjësve mbështetës të institucioneve buxhetore.

3.      Efektet financiare për vitin 2009, që rrjedhin nga zbatimi i këtij vendimi, të përballohen nga fondet buxhetore të vitit 2009, që do të miratohen për institucionin e Shërbimit të Provës.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI BERISHA