VENDIM PER NJË NDRYSHIM NË VENDIMIN NR.475, DATË 13.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE CIVILË, ZËVENDËSMINISTRIT DHE NËPUNËSVE TË KABINETEVE, NË KRYEMINISTRI, APARATET E MINISTRIVE T
PER
NJË NDRYSHIM NË VENDIMIN NR.475, DATË 13.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE CIVILË, ZËVENDËSMINISTRIT DHE NËPUNËSVE TË KABINETEVE, NË KRYEMINISTRI, APARATET E MINISTRIVE TË LINJËS, ADMINISTRATËS SË PRESIDENTIT, KUVENDIT DHE KOMISIONIT QENDROR TË ZGJEDHJEVE”, TË NDRYSHUARNë mbështetje të nenit 100 të Kushtetutës, të nenit 18, të ligjit nr.8549, datë 11.11.1999, “Statusi i nëpunësit civil”, të nenit 5/1, të ligjit nr.8487, datë 13.5.1999, “Për kompetencat për caktimin e pagave të punës”, dhe të ligjit nr.10025, datë 27.11.2008, “Për buxhetin e vitit 2009”, me propozimin e ministrit të Brendshëm dhe të ministrit të Financave, Këshilli i Ministrave
V E N D O S I :
1. Në nënndarjen Ministria e Drejtësisë, në lidhjen nr.3, që përmendet në pikën 8, të vendimit nr.475, datë 13.7.2007, të Këshillit të Ministrave, të ndryshuar, emërtesa “Inspektor në Drejtorinë e Inspektimit Gjyqësor” të zëvendësohet me “Inspektor për Inspektimin Gjyqësor; Inspektor për Inspektimin e Prokurorisë dhe Inspektor për Inspektimin Administrativ”.
2. Efektet financiare, për vitin 2009, që rrjedhin nga zbatimi i këtij vendimi, të përballohen nga buxheti i vitit 2009, miratuar për Ministrinë e Drejtësisë.
Ky vendim hyn në fuqi pas botimit në “Fletoren zyrtare” dhe i shtrin efektet financiare nga data 25.2.2009.
K R Y E M I N I S T R I
SALI BERISHA
22/04/2009