VENDIM PER NJË NDRYSHIM NË VENDIMIN NR.205, DATË 13.4.1999, TË KËSHILLIT TË MINISTRAVE, “PËR MIRATIMIN E DISPOZITAVE ZBATUESE TË KODIT DOGANOR TË REPUBLIKËS SË SHQIPËRIS˔, TË NDRYSHUAR

V E N D I M

PËR

NJË NDRYSHIM NË VENDIMIN NR.205, DATË 13.4.1999, TË KËSHILLIT TË MINISTRAVE, “PËR MIRATIMIN E DISPOZITAVE ZBATUESE TË KODIT DOGANOR TË REPUBLIKËS SË SHQIPËRISË”, TË NDRYSHUAR

Në mbështetje të nenit 100 të Kushtetutës, të neneve 13, 14 e 16, të ligjit nr.8449, datë 27.1.1999, “Kodi Doganor i Republikës së Shqipërisë”, të ndryshuar dhe të neneve 124 e 128, të ligjit nr.8485, datë 12.5.1999, “Kodi i Procedurave Administrative të Republikës së Shqipërisë”, me propozimin e ministrit të Financave, Këshilli i Ministrave

V E N D O S I :

1.  Kudo në vendimin nr.205, datë 13.4.1999, të Këshillit të Ministrave, të ndryshuar, përbërja e komisionit të përzgjedhjes së kandidatëve, për të gjitha kategoritë e nëpunësve të administratës doganore, ndryshohet, si më poshtë vijon :

“-Zëvendësministri i Financave,                                                       kryetar;

  -Drejtori i Përgjithshëm i Politikave Makroekonomike,

   në Ministrinë e Financave,                                                                        anëtar;

  -Zëvendësdrejtori i Përgjithshëm Administrativ, në            

   Drejtorinë e Përgjithshme të Doganave                                         anëtar;                                     

  -Drejtori i personelit dhe shërbimeve mbështetëse, në

   Ministrinë e Financave                                                                 anëtar;

  -Një përfaqësues i Fakultetit Ekonomik                                         anëtar.”.

2. Ngarkohen Ministria e Financave dhe Drejtoria e Përgjithshme e Doganave për  zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI BERISHA