VENDIM PËR DISA NDRYSHIME NË VENDIMIN NR. 370, DATË 14.6.2006, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE TË ADMINISTRATËS SË PREFEKTIT”, TË NDRYSHUAR

V E N D I M

PËR

DISA NDRYSHIME NË VENDIMIN NR. 370, DATË 14.6.2006, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE TË ADMINISTRATËS SË PREFEKTIT”, TË NDRYSHUAR

Në mbështetje të nenit 100 të Kushtetutës, nenit 5/1, të ligjit nr.8487,date 13.5.1999, “Për kompetencat për caktimin e pagave të punës”, të ndryshuar, dhe të ligjit nr.10 025, datë 27.11.2008, “Për buxhetin e vitit 2009”, me propozimin e ministrit të Brendshëm dhe të ministrit të Financave, Këshilli i Ministrave

V E N D O S I:

1. Në vendimin nr.370, datë 14.6.2006, të Këshillit të Ministrave, të ndryshuar, të bëhen ndryshimet e mëposhtme:

1.1. Pika 1 ndryshohet, si më poshtë vijon:

“1. Nivelet e pagave për funksionet e mëposhtme të jenë:

a)     Prefekt i qarkut të Tiranës,                                115 000 lekë;

b)     Prefekt i qarqeve të tjera,                                   107 000 lekë;

c)     Nënprefekt në nënprefekturat e Kavajës,

     Lushnjës  dhe Sarandës,                                    92 000 lekë;

ç) Nënprefekt në nënprefekturat e Krujës,

    Pogradecit, Librazhdit, Tepelenës, Përmetit,

     Matit, Pukës, Tropojës dhe Skraparit,                85 000 lekë;

d)     Nënprefekt në nënprefekturat e Malësisë

     së Madhe, Bulqizës, Peqinit, Gramshit,

     Devollit,  Mallakastrës, Hasit, Kuçovës,

     Mirditës, Delvinës,  Kurbinit dhe Kolonjës,       79 500 lekë;

 dh)  Këshilltar i prefektit të Tiranës,                            62 000 lekë;

e)  Zëdhënës i prefektit të Tiranës,                          52 000 lekë.”.

1.2. Lidhja nr.1, që përmendet në pikën 2, zëvendësohet me lidhjen me të njëjtin numër, që i bashkëlidhet këtij vendimi dhe është pjesë përbërëse e tij.

1.3. Në pikën 3, vlera ”11 000 lekë” zëvendësohet me “12 000 (dymbëdhjetë mijë) lekë”.

2. Efektet financiare, që rrjedhin nga zbatimi i këtij vendimi, të përballohen nga fondet e politikës së pagave, miratuar për vitin 2009.

Ky vendim hyn në fuqi pas botimit në "Fletoren zyrtare" dhe i shtrin efektet financiare nga data 1 maj 2009.

K R Y E M I N I S T R I

SALI BERISHA