VENDIM PËR HAPJEN E PROGRAMIT TË STUDIMIT TË CIKLIT TË TRETË, “MASTER I NIVELIT TË DYT˔ NË GJUHËN SHQIPE, NË QENDRËN NDËRUNIVERSITARE TË STUDIMEVE ALBANOLOGJIKE

V E N D I M

PËR

HAPJEN E PROGRAMIT TË STUDIMIT TË CIKLIT TË TRETË, “MASTER I NIVELIT TË DYTË” NË GJUHËN SHQIPE, NË QENDRËN NDËRUNIVERSITARE TË STUDIMEVE ALBANOLOGJIKE

Në mbështetje të nenit 100 të Kushtetutës dhe të neneve 6, pika 3, 26, pika 1.3.4, e 42, të  ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.     Hapjen, në Qendrën Ndëruniversitare të Studimeve Albanologjike, të programit të studimit, të ciklit të tretë, “Master i nivelit të dytë” (MND), në Gjuhë shqipe.

2.     Në përfundim të këtij programi studimi lëshohet diplomë “Master i nivelit të dytë” (MND), në Gjuhë shqipe.

3.     Programi i studimit realizohet me 60 kredite dhe kohëzgjatja normale e tij është 1 (një) vit.

4.     Ky program studimi ta fillojë veprimtarinë mësimore në vitin akademik 2009-2010.

5.     Efektet financiare, që rrjedhin nga zbatimi i këtij vendimi, të përballohen nga buxheti vjetor, miratuar për Qendrën Ndëruniversitare të Studimeve Albanologjike.

6.     Ngarkohen Ministria e Arsimit dhe Shkencës dhe Qendra Ndëruniversitare e Studimeve Albanologjike për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA