VENDIM PËR NJË SHTESË NË VENDIMIN NR.23, DATË 9.1.2008, TË KËSHILLIT TË MINISTRAVE, “PËR TARIFAT E PËRDORIMIT TË UJIT”
V E N D I M
PËR
NJË SHTESË NË VENDIMIN NR.23, DATË 9.1.2008, TË KËSHILLIT TË MINISTRAVE, “PËR TARIFAT E PËRDORIMIT TË UJIT”Në mbështetje të nenit 100 të Kushtetutës dhe të nenit 57, të ligjit nr.8093, datë 21.3.1996, “Për rezervat ujore”, të ndryshuar, me propozimin e ministrit të Ekonomisë, Tregtisë dhe Energjetikës dhe të ministrit të Mjedisit, Pyjeve dhe Administrimit të Ujërave, Këshilli i Ministrave
V E N D O S I:
1. Pas pikës 1, të vendimit nr.23, datë 9.1.2008, të Këshillit të Ministrave, shtohet pika 1.1, me këtë përmbajtje:
“1.1. Tarifat e përdorimit të ujit, të parashikuara në pikën 4, të tabelës 1, që i bashkëlidhet këtij vendimi, janë 0, kur:
i) në kontratën e koncesionit, për hidrocentrale, të lidhur nga autoriteti përkatës kontraktor, është parashikuar pagimi i tarifës së koncesionit nga ana e koncesionarit;
ii) KESH, sha-ja, do të jetë shoqëri publike.”.
2. Ngarkohen Ministria e Mjedisit, Pyjeve dhe Administrimit të Ujërave, Ministria e Ekonomisë, Tregtisë
dhe Energjetikës, Ministria e Financave dhe këshillat e baseneve të ujërave për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
K R Y E M I N I S T R I
SALI BERISHA
12/11/2008