VENDIM PËR NJË SHTESË NË VENDIMIN NR.315, DATË 21.3.2008, TË KËSHILLIT TË MINISTRAVE, “PËR EVIDENTIMIN DHE VLERËSIMIN E DËMEVE NË BASHKINË VORË, NË KOMUNAT KASHAR E PREZË, TË QARKUT TË TIRANËS, DHE NË KOMUNAT MAMINAS, MANZË DHE BUBQ, TË QARKUT TË DUR
V E N D I M
PËR
NJË SHTESË NË VENDIMIN NR.315, DATË 21.3.2008, TË KËSHILLIT TË MINISTRAVE, “PËR EVIDENTIMIN DHE VLERËSIMIN E DËMEVE NË BASHKINË VORË, NË KOMUNAT KASHAR E PREZË, TË QARKUT TË TIRANËS, DHE NË KOMUNAT MAMINAS, MANZË DHE BUBQ, TË QARKUT TË DURRËSIT, TË SHKAKTUARA NGA AKSIDENTI TEKNOLOGJIK”
Në mbështetje të nenit 100 të Kushtetutës dhe të neneve 5 e 7, të ligjit nr.8756, datë 26.3.2001, “Për emergjencat civile”, me propozimin e ministrit të Brendshëm dhe të ministrit të Punëve Publike, Transportit dhe Telekomunikacionit, Këshilli i Ministrave
V E N D O S I :
Pas pikës 8, të vendimit nr.315, datë 21.3.2008, të Këshillit të Ministrave, shtohen pikat 9 e 10, me këtë përmbajtje:
“9. Në rast ankesash të arsyetuara për vlerësimin apo mosvlerësimin, nga qytetarët apo subjektet, me propozimin e bashkive dhe të komunave të zonave të dëmtuara dhe me miratimin e qarqeve Tiranë dhe Durrës, ngrihen grupe të reja pune, ku të përfshihen specialistë, sipas fushave përkatëse.
10. Grupet e punës, të ngritura sipas pikës 9, të këtij vendimi, ndjekin të njëjtën procedurë vlerësimi, të parashikuar në këtë vendim.”.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
SALI BERISHA