VENDIM PËR PROGRAMIN E NXITJES SË PUNËSIMIT, NËPËRMJET FORMIMIT NË PUNË
V E N D I M
PËR
PROGRAMIN E NXITJES SË PUNËSIMIT, NËPËRMJET FORMIMIT NË PUNË
V E N D O S I :
- Punëdhënësi, që organizon trajnim, të përgjithshëm, për qëllim formimi, nëpërmjet punës së personave punëkërkues të papunë, mund të përfitojë financime nga zyra përkatëse e punësimit, në masën:
a) 70 për qind të kostove të trajnimit, për ndërmarrjet e vogla dhe të mesme;
b) 50 për qind të kostove të trajnimit, për ndërmarrjet e mëdha.
- Kohëzgjatja e programit të trajnimit të jetë jo më shumë se 6 muaj për të gjitha profesionet.
- Skema të fillojë të zbatohet në vitin 2008 dhe kohëzgjatja e saj të jetë 5 vjet.
- Punëdhënësi, në përfundim të periudhës së formimit, duhet të punësojë jo më pak se 50 për qind të të trajnuarve, me kontratë mësimi profesioni, për një periudhë 6-mujore.
- Pjesëmarrësit në formim duhet të jenë persona të pakualifikuar profesionalisht.
- Kostoja e trajnimit përcaktohet nga një komision і ngritur në Shërbimin Kombëtar të Punësimit dhe në të përfshihen:
a) Kostoja personale e trajnuesve, e cila është deri në 1.5 herë më e lartë se tarifa shtetërore e miratuar, sipas akteve nënligjore në fuqi;
b) Shpenzimet e udhëtimit të trajnuesve dhe të të trajnuarve, sipas akteve nënligjore në fuqi;
c) Baza materiale, ku bëjnë pjesë materialet e nevojshme për zhvillimin e kursit dhe kostoja e shërbimit, për udhëzim dhe këshillim, që lidhen me projektin e trajnimit;
ç) Amortizimi і mjeteve dhe і pajisjeve gjatë përdorimit, vetëm për projektin e trajnimit.