VENDIM PËR SHPRONËSIMIN, PËR INTERES PUBLIK, TË PRONARIT TË PASURISË SË PALUAJTSHME, PRONË PRIVATE, QË PREKET NGA ZGJERIMI I STADIUMIT, NË BASHKINË E RROGOZHINËS
V E N D I M
PËR
SHPRONËSIMIN, PËR INTERES PUBLIK, TË PRONARIT TË PASURISË SË PALUAJTSHME, PRONË PRIVATE, QË PREKET NGA ZGJERIMI I STADIUMIT, NË BASHKINË E RROGOZHINËS
Në mbështetje të nenit 100 të Kushtetutës, të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Brendshëm, Këshilli i Ministrave
V E N D O S I :
1. Shpronësimin, për interes publik, të pronarit të pasurisë së paluajtshme, pronë private, që preket nga zgjerimi i stadiumit , në bashkinë e Rrogozhinës, sipas tabelës, që i bashkëlidhet këtij këtij vendimi.
2. Masa e shpërblimit të pronarit të pasurisë, pronë private, me sipërfaqe 80 (tetëdhjetë) m2, tokë/arë, dhe 40 (dyzet) m2 ndërtesë, që shpronësohet, është 1 800 000 (një milion e tetëqind mijë) lekë.
3. Vlera e përgjithshme e shpronësimit të përballohet nga të ardhurat e bashkisë së Rrogozhinës, planifikuar në buxhetin e vitit 2008.
4. Afati i përfundimit të procedurës së shpronësimit të jetë tre muaj nga data e hyrjes në fuqi të këtij vendimi.
5. Vlera e shpenzimeve procedurale të përballohet nga bashkia e Rrogozhinës.
6. Afati i përfundimit të punimeve, në objektin “Zgjerimi i stadiumit” të jetë në përputhje me afatet e parashikuara nga kjo bashki, për realizimin e këtij projekti.
7. Shpronësimi bëhet në favor të bashkisë së Rrogozhinës. Regjistrimi i ri i pasurisë, 80 (tetëdhjetë) m2, tokë/arë, dhe 40 (dyzet) m2, ndërtesë, të bëhet brenda 30 ditëve nga data e hyrjes në fuqi e këtij vendimi.
8. Ngarkohen Ministria e Brendshme dhe bashkia e Rrogozhinës për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
SALI BERISHA
25/02/2009