Valdes: Nder të luaj ndeshjen e 400-të për Barcën

Portieri i Barcelonës, Victor Valdes, ka deklaruar se ndihet i lumtur për ndeshjen e 400-të të zhvilluar për gjigantët katalanas në fitoren 2-0 të së shtunës ndaj Osasunas.

29-vjeçari ka bërë debutimin e tij në vitin 2002 dhe deri tani ka fituar plot 13 trofe të mëdhenj me kampionin e Spanjës.

Valdes është portieri i dytë në historinë e Barcës që arrin shifrën jubilare prej 400 ndeshjesh, dhe aktualisht qëndron pas legjendarit Andoni Zubazarreta, i cili ka bërë plot 410 paraqitje për klubin.

“Është nder për mua. Nuk dua t`u kushtoj shumë vëmendje këtyre gjërave, por është një shifër shumë e mirë dhe do të doja të falënderoj të gjithë ata të cilët kanë qenë këtu për mua. Pa ta nuk do ta shijoja këtë moment”, ka thënë lojtari.