"Vale e re rritjeje ne paga dhe pensione

ELBASAN - Kryeministri Sali Berisha ka celur dje pasdite fushaten elektorale per Elbasanin, me nje miting ne sheshin kryesor te qytetit. Atmosferes i ka paraprire koncerti me kengetare te njohur te muzikes se lehte shqiptare. Me tej, nen ritmin e kenges "Shqiperia po Ndryshon" jane afruar Kryeministri Sali Berisha dhe 16 kandidatet e PD per Qarkun e Elbasanit, mes tyre, Ministri i Jashtem Lulzim Basha si dhe perfaqesues te tjere te qeverise Majlinda Bregu, Ardian Turku, etj. Berisha premtoi per kater vitet e ardhshme investime ne bujqesi, vende te reja punesimi, rritje te reja rrogash e pensionesh, investime ne infrastrukture etj. Vecanerisht per Elbasanin ai deklaroi se parku industrial do te jete nje realitet i prekshem qe do t'i jape zgjidhje problemit te punesimit ne kete qytet. Berisha deklaroi gjithashtu se nje vemendje te vecante do te kete edhe monitorimi i mjedisit duke garantuar shendetin e qytetareve te Elbasanit. Ai premtoi dhe se ne kater vitet e ardhshme do te katerfishohen investimet ne rruge, ujesjelles dhe shkolla. Kurse ka garantuar te gjithe shqiptaret per kushte me te mira jetese dhe per levizje te lire pa viza ne mandatin e ardhshem qeverises. Berisha nuk ka lene pa shigjetuar liderin e PS Edi Rama duke e akuzuar ate se te vetmin qellim ka karrigen per pushtet. "Ti zoti Rama nuk do zgjedhje te lira dhe te ndershme, ti nuk perballesh dot me zgjedhjet, ti do vetem karrige se ashtu je mesuar", vleresoi Berisha. Fatos Salliu

"RAMA"

Berisha i ofroi mbreme kryebashkiakut te Tiranes, Edi Rama, t'i jape kohe "ne emer te respektit qe kam per socialistet dhe te vendit tim", te vihet ne krye te listes", kurse komentoi se "ti s'e ben dot kete, sepse per ty standardet evropiane jane lejet e baskise dhe lejet e ndertimit".

Koncerti

Pas fjales se Kryeministrit, ka rifilluar koncerti, ku merrte pjese grupi i njohur Elita 5 dhe kengetare te tjere. Fundi i ketij takimi ka qene inkandeshent pas hedhjes ne qiell te dhjetera fishekzjarreve. Sheshi qendror i Elbasanit ka qene i mbushur plot, madje pjesemarresit kane shfrytezuar edhe muret e kalase perreth.