Van Gogh, në kujtim të piktorit modern
Vincent van Gogh, për të cilin ngjyrat ishin shenjat kryesore të të shprehurit, u lind në Groot-Zundert të Holandës më 30 mars të vitit 1853, si djalë i një pastori, prej të cilit trashëgoi besimin dhe kulturën e gjerë mbi fusha të ndryshme të jetës. Që në fëmijërinë e tij, Van Gogh ishte i pasionuar pas ngjyrave, që vinte edhe prej natyrës së tij emocionale e të vështirë në komunikim. Ndaj ai preferonte të komunikonte përmes ngjyrave dhe formave që krijonte në tablotë e tij. Vincent van Gogh është cilësuar edhe si "babai" i pikturës moderne. Që në vitet 1860, kur ai ishte ende një fëmijë 7-vjeçar, kishte vendosur që gjithë jetën ta kalonte mes ngjyrave. Për të realizuar këtë ëndërr të tij, i ati e dërgon në Belgjikë për disa studime mbi artin dhe në veçanti pikturën. Duke qëndruar atje ishte më pranë bukurive të natyrës, të cilat çdo ditë i pasqyronte në pikturat e tij. Në vitin 1886, kur ishte rreth të 30-ave, zhvendoset në Paris për t‘u takuar me të vëllain, menaxher në një galeri arti. Në këtë periudhë, njihet me artistët e mëdhenj të kohës, si Pissarro, Monet dhe Gauguin, prej të cilëve filloi t‘u jepte pikturave disa nota impresionizmi.
Karakteri i vështirë që e karakterizonte ia vështirësonte komunikimin me të tjerët dhe kjo gjë e linte net të tëra pa gjumë, duke u munduar të shprehte përmes ngjyrave gjithçka që donte të shprehte me fjalët që i mungonin. Këto praktika të vështira që ndiqte për të realizuar tablotë e tij, filluan në atë kohë të jepnin edhe shenjat e para të shqetësimeve në shëndet.
Pak kohë më vonë zhvendoset në Arles, ku i vetmi mik që e shoqëroi ishte Gaugin. Por kjo eksperiencë e re e ndërmarrë si një aventurë, pati pasoja të shumta. Gjatë një krize të epilepsisë që e shqetësonte shpeshherë, Van Gogh tentoi të sulmonte mikun e tij me një thikë dhe përfundoi duke prerë një pjesë të veshit të tij. Në ato kohë ai endej mes çmendurisë dhe halucinacioneve. Për këtë vendosën ta shtronin për kurim në një spitali mendor në Saint-Remy. Në maj të 1890-ës filloi të kishte disa përmirësime në shëndet, por vetëm dy muaj më vonë, më 29 korrik, u nda nga jeta duke kryer vetëvrasje nën qëllimin "për të mirën e të gjithëve". Gjatë karrierës së shkurtër si piktor, arriti të shiste vetëm një pikturë. Van Gogh kishte një stil të paimitueshëm, me të cilin sillte forma të çrregullta dhe përmbajtje të fuqishme. Tablotë e tij, sipas studiuesve, kanë pasur hera-herë nota dramatike, lirike, ritmike dhe emocionale. Vetë Van Gogh përfaqëson në art një figurë të papërsëritshme, krejtësisht të kompletuar, ndërsa në aspektin personal, një njeri të vështirë dhe aspak tërheqës.
Karakteri i vështirë që e karakterizonte ia vështirësonte komunikimin me të tjerët dhe kjo gjë e linte net të tëra pa gjumë, duke u munduar të shprehte përmes ngjyrave gjithçka që donte të shprehte me fjalët që i mungonin. Këto praktika të vështira që ndiqte për të realizuar tablotë e tij, filluan në atë kohë të jepnin edhe shenjat e para të shqetësimeve në shëndet.
Pak kohë më vonë zhvendoset në Arles, ku i vetmi mik që e shoqëroi ishte Gaugin. Por kjo eksperiencë e re e ndërmarrë si një aventurë, pati pasoja të shumta. Gjatë një krize të epilepsisë që e shqetësonte shpeshherë, Van Gogh tentoi të sulmonte mikun e tij me një thikë dhe përfundoi duke prerë një pjesë të veshit të tij. Në ato kohë ai endej mes çmendurisë dhe halucinacioneve. Për këtë vendosën ta shtronin për kurim në një spitali mendor në Saint-Remy. Në maj të 1890-ës filloi të kishte disa përmirësime në shëndet, por vetëm dy muaj më vonë, më 29 korrik, u nda nga jeta duke kryer vetëvrasje nën qëllimin "për të mirën e të gjithëve". Gjatë karrierës së shkurtër si piktor, arriti të shiste vetëm një pikturë. Van Gogh kishte një stil të paimitueshëm, me të cilin sillte forma të çrregullta dhe përmbajtje të fuqishme. Tablotë e tij, sipas studiuesve, kanë pasur hera-herë nota dramatike, lirike, ritmike dhe emocionale. Vetë Van Gogh përfaqëson në art një figurë të papërsëritshme, krejtësisht të kompletuar, ndërsa në aspektin personal, një njeri të vështirë dhe aspak tërheqës.