Van der Vaart i përqendruar në Real

Mesfushori i Real Madridit, Rafael van der Vaart ka theksuar se është i përqendruar në klub. Reprezentuesi holandez ka shkëlqyer në mesfushën e Realit gjatë paraqitjeve të fundit në mungesë të brazilianit Leite Kaka të lënduar.

Mirëpo, ai nuk brengoset për rikuperimin e Kakas dhe insiston se nuk mendon për largim nga klubi. “E kam hequr shenjën ‘në shitje’. Mund të luaj së bashku me Kakan dhe nuk brengosem për rikthimin e tij”, tha Van der Vaart për të përditshmen sportive spanjolle Marca.