Vasili Kritika inspektoreve per situaten higjieno-sanitare gjate sezonit turistik
Ministri i Shendetesise Petrit Vasili gjate nje raporti per situaten higjieno-sanitare ne vend e sidomos ne vijen bregdetare u shpreh se turisteve nuk u eshte ofruar nje sherbim sanitar ne nivele te duhura. Vasili tha gjithashtu se po verifikohen te gjitha te dhenat dhe se do te merren masa per te gjithe inspektoret e Higjienes te cilet duke bere kompromis me bizneset apo subjektet nuk u kane ofruar turisteve sherbimin e duhur higjieno - sanitare. Ketij bumi te jashtezakonshem turistik jo ne te gjitha rastet Inspektorati Sanitar i eshte pergjigjur me vendosmerine e duhur ne menyre te vecante me ceshtje qe lidhen me probleme te higjienes urbane e cila mbizoteron dhe prevalon ne keto momente mbi te gjitha te tjerat. Per cdo inspektor i cili ben kompromis me biznesin shkarkimi i tij do te jete i menjehershem dhe do te procedohet me ndjekjen e tij dhe ne rruge penale per elemente te shperdorimit te detyres - tha Petrit Vasili minister i Shendetesise. Nenkuptohet ketu kontrolli i te gjithe higjienes urbane duke filluar qe nga zhurmat e padurueshme kontrolli mbi mbeturinat nivelin higjieno-sanitar dhe veprimtarive te tjera perqark tyre. Vasili ka paralajmeruar te gjithe inspektoret sanitare te vendit se nuk do te kete me tolerime per abuzimet qe do te verifikohen. Ministri Vasili ka kerkuar qe puna e inspektoreve te shendetit publik tashme te monitorohet dhe ne rastet kur ata tolerojne bizneset apo nuk denoncojne presionin qe u behet te largohen ne menyre te menjehershme nga puna.
3 Shtator 2010