Vasili: Situata normale, nuk ka rritje te semundshmerise
Zonat e permbytura ne Shkoder dhe Lezhe, nuk kane probleme me semundshmerine apo shfaqje te semundjeve per shkak te kesaj situate. Kjo ka qene deklarata e ministrit te Shendetesise, Petrit Vasili gjate inspektimeve te bera gjate dites se djeshme ne zonat e permbytura. Sipas tij, nga qendrat shendetesore dhe mjeket e zonave kane marre te gjitha masat per tu ardhur ne ndihme banoreve te zonave. "Situata eshte normale per sa i perket semundshmerise ne zonat e permbytura. Nuk ka shperthim te ndonje semundjeje apo edhe virozeve ne kete zone", ka garantuar Vasili. Nderkohe qe Ministria e Shendetesise se bashku me ISKSH mori te gjitha masat qe ne ditet e para te permbytjes per sa i perket sistemit shendetesor. Pajisja me medikamente shtese, sherbim mjekesor 24 oresh ne zonat e permbytura dhe menaxhimi sa me i mire i situates ne dy spitalet kryesore te zones veriore, atij te Shkodres dhe Lezhes jane disa nga masat e ndermarra nga Ministria e Shendetesise per perballimin e situates se krijuar nga permbytjet ne Qarkun e Shkodres. Mjeket te cilet vizitojne dhe ekzaminojne banoret e zonave te permbytura kane nisur te shperndajne me varka ne cdo familje, medikamentet e rimbursueshme per te semuret kronike. Nderkohe qe Instituti i Sigurimeve te Kujdesit Shendetesor ka vendosur sherbim 24 ore ne fshatrat e demtuar nga reshjet e diteve te fundit. "Per te mbuluar sherbimin 24 ore, jane caktuar edhe mjeke te zonave perreth per te qene te pranishem ne keto qendra shendetesore, ne rast nevoje te banoreve te ketyre zonave", ka pohuar mjeku ne ISKSH, Gazmend Koduzi. Sa i takon medikamenteve, sipas ISKSH-se, qendrat shendetesore jane te pajisura me te gjithe setin e medikamenteve te emergjences, i nevojshem ne keto raste.
Gatishmeria
Gatishmeria e mjekeve eshte maksimale edhe per pacientet e semure kronike, per te cilet nuk eshte nderprere ne asnje moment mjekimi i perditshem. Nderkohe, nga situata e renduar ne Qarkun e Shkodres eshte sensibilizuar sektori farmaceutik.