Vazhdojnë protestat në Siri

Mijëra persona kanë protestuar sërish gjatë ditës në Siri duke kërkuar fundin e regjimit të presidentit Bashar al Asad.

Protesta ka pasur në kryeqytetin Damask, në qytetin e Banias dhe në lindje të Sirisë.

Në qytetin e Daras, që ka qenë një ndër qendrat e protestuesve sirianë, raportohet se ushtria vazhdon të jetë në rrugë.

Gjatë protestave antiqeveritare në Siri policia ka hapur zjarr ndaj demostruesve dhe ka vrarë të paktën 560 persona.