Vazhdon tensioni mes Izraelit dhe Gazës

Megjithë armëpushimin e arritur në Gaza, Izraeli vazhdon të bombardojë tunelet në kufi me Egjiptin , kurse palestinezët vazhdojnë të hedhin raketa. Raketat e hedhura gjatë natës dhe në agim nga Gaza në drejtim të Izraelit nuk kanë shkaktuar vdekje apo plagosje në njerëz. Sulmet i ka marrë përsipër një grup i varur nga AL Fatihu. Palestinezët mbrojnë mendimin se ata kundërpërgjigjen vrasjeve të dy palestinezëve që Izraeli shkaktoi megjithë armëpushimin e arritur. Izraeli vazhdoi edhe mbrëmë të bombardojë tunelet që ndodhen në kufirin Egjipt-Gaza. Autoritetet izraelite bënë të ditur se reagimi ndaj vrasjes së ndonjë ushtari izraelit do të jetë shumë i ashpër.Ndërkohë njoftohet se në zjarrin që ka rënë në tunelet ndërmjet Egjiptit dhe Gazës janë plagosur 4 palestinezë. Shkaku i zjarrit nuk dihet ende.