Vdekja e Kacinskit. Varshava akuzon Rusine

Një vit pas  tragjedisë ajrore në Smolensk  ku humbi jetën presidenti polak dhe  95 zyrtarë të lartë  Varshava fajson palën  ruse për aksidentin fatal . Komisioni i Qeverisë polake  flet për gabim njërëzor, por shton se pajisjet  defektoze dhe komunikimi i dobët i stafit të Rusisë në tokë, kanë kontribuuar në rrëzimin e aeroplanit, në bordin e të cilit ndodhej dhe  presidenti i Polonisë, Leh Kacinski.

Kreu i Komisionit, kolonel Robert Benedikti, tha para gazetarëve se sistemi i ndriçimit në aeroportin rus të Smolenskut ka qenë i dobët dhe rusët u kanë dhënë udhëzime të gabuara pilotëve në kabinë.

Presidenti Leh Kacinski, gruaja e tij, Maria, dhe dhjetëra zyrtarë polakë humbën jetën kur aeroplani u rrëzua gjatë përpjekjeve për tu ulur në pistën  e  aeroportit. Një raport i mëparshëm i hartuar nga ekspertët rusë kishte theksuar gabimin e kontrollorëve polakë si arsye të vetme të fatkeqësisë, çka  u prit jo pa zemërim në Poloni. Ndërsa publikimi i raportit më të fundit pritet  të  acarojë marrdhëniet diplomatike mes  dy vendeve.