Vdekja e bebes, mjekja denohet me gjobe

Korce - Nje mjeke pediatre e spitalit rajonal te Korces eshte denuar nga gjykata e Rrethit te Korces me gjobe, pasi eshte konsideruar fajtore per mjekim te pakujdesshem. Zhaneta Babliku u denua me 200 mije leke gjobe, pasi, sipas togave te zeza, pakujdesia e saj ka shkaktuar vdekjen e nje bebeje njevjecare. Kleona Llabanji, nga fshati Sul, i rrethit te Devollit, nderroi jete dy vjet me pare, por drejtesise i eshte dashur nje kohe e gjate per te arritur ne vendimin perfundimtar te nje procesi-maratone. Ky eshte rasti i pare i penalizmit te nje mjeku nga ana e gjykates, edhe pse me gjobe, nderkohe qe ne rrethin e Korces jane denoncuar edhe raste te tjera ndaj mjekeve kur pacientet kane vdekur gjate trajtimit ne spital. Ky vendim i gjykates ka lene te pakenaqur palen paditese qe jane te aferm te foshnjes se vdekur ne spital, te cilet thane se do ta apelojne ceshtjen ne Gjykaten e Shkalles se Dyte. Nderkaq, edhe nga ana e mjekes se penalizuar me gjobe ky vendim eshte konsideruar si jo i drejte. Rreth 2 vjet me pare, 1-vjecarja Kleona Llabanji vdiq ne spitalin pediatrik te Korces, ku u shtrua pasi i kishte mbetur ne gryke nje kokerr fasule. Qe ne ate periudhe, te afermit e kesaj foshnje akuzuan mjeket per nje trajtim te pa kujdesshem dhe jo profesional te femijes se tyre, e nderkaq me kembengulje kerkuan edhe ndjekje penale per mjeken pediatre Zhaneta Babliku, e cila trajtoi femijen ne spitalin e Korces. Insistimi i te afermve te foshnjes se vdekur per te ndjekur ne rruge drejtesie vdekjen e vajzes, erdhi pasi edhe marredheniet midis dy prinderve te femijes, pas vdekjes se saj pesuan carje, pasi i ati akuzoi nenen e femijes se nuk ishte kujdesur si duhet per vajzen gjate kohes qe ajo ndodhej ne shtepine e prinderve. Seanca te shumta gjyqesore, nder te cilat jo pak te shtyra per mungese te eksperteve, jane zhvilluar ne Gjykaten e Rrethit ne Korce, deri ne dhenien e vendimit per denimin me gjobe te mjekes Zhaneta Babliku. Sipas konkluzioneve te gjykates se Rrethit te Korces, mjekja eshte fajtore per vdekjen e foshnjes, pasi nga te dhenat e siguruara nga ekspertizat mjekoligjore dhe specialisteve pediater nga Tirana qe kane deshmuar ne seanca gjyqesore, nderhyrja ne kohe dhe me diagnozen e duhur mund ta kishte shpetuar jeten e foshnjes. Gjate hetimeve dhe zhvillimit te procesit gjyqesor, nje pjese e madhe e mjekeve e kane quajtur te pamundur identifikimin e fasules ne trake, qe u gjet vetem pas autopsise pasi nuk mund te shihej gjate radiografive. Vajza, qe u mbajt ne spital per dy dite dhe ne nje gjendje te rende shendetesore, vdiq ne muajin maj te vitit 2006, pasi dyshohej se ajo kishte pneumoni, nderkohe qe shkaku i mungeses se frymemarrjes ishte nje kokerr fasule e mbetur ne trake, e cila nuk u zbulua ne kohe, por vetem nga autopsia kur vajza nuk ishte me ne jete.

Gezim Ashimi