"Vdekja me mundi, me mori gjysmen e familjes"

BERAT- Morti i dyte tronditi kobshem familjen Jaho dhe Bakiu ne Lapardha te Beratit. Pas vellait te vrare 40 dite me pare ne Greqi, Elton Bakiut, 26 vjec, ne menyre makabre, dje jane percjelle per ne banesen e fundit mes loteve e vajit, motra e te ndjerit dhe mbesa e tij 3 muajsh. Ceremonia ka qene e dyfishte, ndersa i mbijetuari i kesaj ngjarje, Dritan Jaho, ende i shokuar ka mundur te thote vetem pak fjale, se nuk mundi te shpetonte nga vdekja familjen e tij te re, Elviren 22 vjecare dhe Klaren 3 muajsh. "Ishte nje lufte me vdekjen mes erresires, por nuk munda t'i nxirrja dot", eshte shprehur dje Dritani mes loteve. Kishte ardhur 40 dite me pare per vdekjen e Eltonit, kunatit te tij dhe u nis ne rruge klandestine pasi e shoqja dhe vajza nuk kishin dokumente dhe bashkimi familjar nuk ishte legalizuar ende. Menyra e vetme ishte rrugetimi nepermjet kufirit duke paguar 1000 euro. Vete Dritani mesohet se i ka pasur dokumentet per te shkuar ne Greqi. Arkivolet fillimisht jane derguar ne familjen Jaho ne oren 07:00 te mengjesit dhe me pas rreth ores 10:00 per ne familjen Bakiu, ku dhe ishte vajze Elvira.

E.Hazizolli

Martesa

Martesa e ciftit ishte bere e shpejte nje vit me pare per shkak se Dritani 27 vjecar, prej vitesh jetonte e punonte ne Greqi, kurse rrugetimi i pare i 22 vjecares ka qene po si klandestine. Pas nente muajsh ka lindur vajzen, por fatkeqesia ndodhi me vdekjen e vellait te saj.